३५ किलो चाँदी र सुनका गहनासहित ३ जना पक्राउ

११ जेठ, विराटनगर । मोरङ प्रहरीले सुन र चाँदीका गहना चोरीमा संलग्न गिरोहका ३ जनालाई प्रहरीले पक्राउ गरेको छ । र सार्वजनिक गरेको छ ।  जेठ ३ गते जयकिशोर चौधरीको घरबाट ३६ किलो चाँदी र २० तोला सुन चोरी भएको उजुरी परेपछि खोजीका क्रममा उनीहरुलाई पक्राउ गरिएको हो । 

पक्राउ पर्नेमा मोरङको विराटनगर महानगरपालिका–१२ वस्ने वर्ष २१ को राज कुमार कामत, वर्ष १९ को विवेक कामत र वर्ष २२ को श्रीकान्त दास छन् ।

उनीहरुलाई प्रहरीले बिहीबार सार्वजनिक गरेको छ । उनीहरुको साथबाट ३५ केजी चाँदी, ८ ग्राम सुन, भारू २ हजार पाँच सय, नेरू १ हजार ७३० र मोबाइल २ थान बरामद भएको प्रहरीले जनाएको छ । चोरीका गहना भारतको बजारमा लैजाने तयारी गरिरहेका बेला होटलबाट उनीहरुलाई पक्राउ गर्न प्रहरी सफल भएको हो ।

पक्राउ परेकामध्ये कामत चोरी र दास डाका मुद्दामा कैद भुक्तान गरिसकेका व्यक्ति रहेको पाइएको छ ।