रासायनिक मल माग गर्दै किसानहरुले भोलि काठमाडौंमा प्रदर्शन गर्ने

११ जेठ, कठमाडौं । कृषकहरूलाई कृषि उत्पादन वृद्धिका लागि अत्यावश्यक रासायनिक मल सुुपथ मूल्य र समयमै उपलब्ध गराउन माग गर्दै किसानहरुले भोलि शुक्रबार काठमाडौंमा विरोध प्रदर्शन गर्ने भएका छन् । 

प्रदर्शनको नेतृत्व नेपाल मजदुर किसान पार्टीनिकट नेपाल क्रान्तिकारी किसान संघले गर्ने भएको छ । दिउँंसो १ बजे रत्नपार्कबाट जुलुश सुरु हुने र परिक्रमपछि विरोधसभामा परिणत हुने संघले जनाएको छ । 

मकमौ लगायत बालीमा मल आवश्यक भइसक्दा पनि किसाने सहज रुपमा मल पाउन नसक्दा उनीहरु आक्रोशित बनेका छन् । कालाबजारियाले महंगोमा मल बिक्री गरिरहेको उनीहरुको आरोप छ ।