नक्कली शरणार्थी प्रकरणमा फरार सूचीमा रहेकी लक्ष्मी महर्जन पक्राउ

१२ जेठ, काठमाडौं । नक्कली भुटानी शरणार्थी प्रकरणमा फरार सूचीमा रहेकी लक्ष्मी महर्जनलाई प्रहरीले पक्राउ गरेको छ । बिहीबार साँझ पक्राउ गरिएका उनलाई आजै अदालतमा उपस्थित गराइएको छ ।

फरार रहेपनि ललितपुरकी  ३२ वर्षीया महर्जनविरुद्ध काठमाडौं जिल्ला अदालतमा मुद्दा विचराधीन छ । मुद्दा चलाइएका ३० जनामध्ये महर्जनसहित १४ जना फरार सूचीमा थिए ।

महर्जनविरुद्ध ठगी, लिखत किर्ते, राज्यविरुद्ध अपराध र संगठित अपराध कसुरमा अदालतमा जिल्ला सरकारी वकिलको कार्यालयले बुधबार नै मुद्दा दर्ता गरिसकेको छ ।

गजेन्द्र बुढाथोकी लगायत पीडितहरुको जाहेरीका आधारमा अनुसन्धान सकेर प्रहरीले बुझाएकाे रायका आधारमा कार्यालयले मुद्दा दर्ता गरेकाे हाे । अभियुक्तहरूकाे शुक्रबारबाट इजलासमा बयान सुरू भएकाे छ ।