जसपाकाे प्रमुख सचेतकमा प्रदीप यादव नियुक्त

१२ जेठ, काठमाडौं । सत्ता साझेदार दल जनता समाजवादी पार्टी (जसपा)ले पार्टीको संघीय संसदीय दलको प्रमुख सचेतकमा प्रदीप यादवलाई नियु्क्त गरेको छ । 

यादवलाई पार्टीका अध्यक्ष तथा संसदीय दलका नेता उपेन्द्र यादवले शुक्रबार पार्टीको विधानको धारा १३ (१) अनुसार प्रमुख सचेतकमा नियुक्त गरेका हुन् । 

संघीय संसद सचिवालय, सिंहदरबालाई एक पत्र लेख्दै यादवलाई प्रमुख सचेतक नियुक्त गरिएको जानकारी गराइएको छ । यादव पर्सा १ बाट प्रतिनिधिसभा सदस्य निर्वाचित भएका हुन् । 

प्रमुख सचेतक यादवलाई संघीय संसदका पदाधिकारी तथा सदस्यहरुको पारिश्रमिक र सुविधा सम्बन्धी ऐन तथा नियमानुसार पाउने सेवा सुविधा उपलब्ध गराइदिने व्यवस्था गराउन समेत संसद सचिवालयलाई अनुरोध गरिएको छ।