प्रतिनिधिसभाको बैठक साँझ ६ बजे बस्ने सचिवालयकाे सूचना

१२ जेठ, काठमाडौं । शुक्रबार मध्यान्ह एमालेले अवरुद्ध गरेको प्रतिनिधिसभाको बैठक साँझ ६ बजेका लागि तोकिएको छ । एमालेको अवरोधपछि सभामुख देवराज घिमिरेले बैठक संचालनका सहमति जुटाउन सर्वदलीय बैठक राखेका छन् । सहमति जुटाउन भनी २० मिनेटका लागि बैठक स्थगन गरिएको थियो । 

मध्यान्ह साढे १२ देखि स्थगित भएको बैठक साँझ ६ बजेका लागि बोलाइएको संघीय संसद सचिवालयका महासचिव डा.भरतराज गौतमले एक सूचना जारी गरी जानकारी दिएका छन् ।

बैठक दिउँसो ३ बजेका लागि बोलाइएको थियो । प्रतिपक्षी दल एमाले र सत्तापक्षबीच कुरा नमिल्दा बैठकको समय पछि बस्न सकेन । ६ बजेका लागि तोकिएको बैठक पनि बस्नेमा शंका गरिएको छ ।