नक्कली शरणार्थी प्रकरणमा बहस गर्न हच्किए वरिष्ठ कानून व्यवसायीहरु
नेपालबहस संवाददाता
जेठ १२, २०८० शुक्रबार १८:४०:५२
१२ जेठ, काठमाडौं । केही वरिष्ठ वकिल एवं कानुन व्यवसायीहरूले नक्कली भुटानी शरणार्थी प्रकरणकाे बहसमा भाग नलिने भएका छन् । वरिष्ठ अभिवक्ता शम्भु थापा, टीकाराम भट्टराई, चन्द्रकान्त ज्ञवाली, चण्डेश्वर श्रेष्ठ लगायतले प्रकरणमा वादी र प्रतिवादी कुनैपनि पक्षबाट बहसमा भाग नलिने भएका हुन् ।
याे प्रकरण मुलुकका लागि अन्तर्राष्ट्रिय जगतमा लज्जाको विषय बनेको उनीहरूको तर्क छ । व्यस्तताको कारण देखाएर उनीहरू कसैले पनि बहसमा भाग नलिने योजना बनाएका छन् । एक कानुन व्यवसायीका अनुसार प्रकरणमा प्रतिवादीहरुको पक्षबाट बहस गर्न धेरै वरिष्ठ कानुन व्यवसायीहरू नजाने निर्णय लिएका छन् । थापाले यसअघि भ्रष्टाचार मुद्दामा उच्च ओहदामा पुगेका आरोपी, सम्पत्ति शुद्धीकरणसम्बन्धी मुद्दा ‘गुण्डा नाइके’हरुको तर्फबाट पैरवी गरेका उदाहरण पाइन्छन् । तर यो पटक भने थापा हच्किएका हुन् ।
नेपाली नागरिकलाई भुटानी शरणार्थीको सरकारी परिचयपत्र भिडाएर अमेरिका उडाउने षडयन्त्रमुताविक सयौं नेपालीसँग करोडौं रकम असुल संगठित अपराध गरेको आरोपमा नेपाली कांग्रेसका नेता बालकृष्ण खाँण, एमाले सांसद टोपबहादुर रायमाझी, तत्कालीन गृहमन्त्री बादलका सुरक्षा सल्लाहकार इन्द्रजित राई, सरकारका सचिव टेकनारायण पाण्डे सहित १७ जना हिरासतमा छन् ।
उनीहरुसहित ३० जना विरुद्ध अनुसन्धान सकेर प्रहरीले दिएको प्रतिवेदन रायअनुसार जिल्ला सरकारी वकिलको कार्यालय काठमाडौंले बुधबार मात्र चार वटा कसुरमा मुद्दा दर्ता गराएको छ । आजबाट जिल्ला न्यायाधीश समक्ष इजलासमा अभियुक्तहरूको बयान सुरु भएको छ । बयान सकेपछि सरकारी पक्ष र प्रतिवादी पक्षका वकिलहरूले थुनछेक बहस गर्नेछन् । बहस सकिन कम्तीमा १५ दिन लाग्ने अनुमान गरिएको छ ।
सरकारी पक्षबाट भने अधिवक्ता स्वागत नेपाल लगायतले बहस गर्ने भएका छन् ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपउच्चले रोक्यो पर्यटन बोर्डको सीईओ नियुक्ति प्रक्रिया
बैशाख १२, २०८१ बुधबार
गौर हत्याकाण्डविरुद्ध १७ वर्षपछि सर्वोच्च अदालतले दियो कारण देखाउ आदेश
बैशाख १२, २०८१ बुधबार
शरणार्थी प्रकरणको बन्दीप्रत्यक्षीकरण रिटमा आज पनि सकिएन सुनुवाइ
बैशाख १०, २०८१ सोमबार
राज्यकोषबाट १-२ अर्ब निकालेर सहकारी पीडितलाई दिने गृहमन्त्रीको मुड !
नेपालबहस संवाददाता
बैशाख ११, २०८१ मंगलबार
अमिर शेखको भ्रमणलाई लिएर सुरक्षामा कडाई
नेपालबहस संवाददाता
बैशाख १०, २०८१ सोमबार
ज्योति विकास बैंकको वित्तीय अवस्था दिन प्रतिदिन बिग्रँदो क्रममा, व्यवसाय विस्तार ठप्प
बैशाख ११, २०८१ मंगलबार
दैलेखमा एउटै बँदेलको टोकाइबाट सात जना घाइते
बैशाख ११, २०८१ मंगलबार
नेपाल र कतारबीच सरकारी ६ र निजी क्षेत्रका दुई सम्झौतामा हस्ताक्षर
बैशाख १२, २०८१ बुधबार
सूर्य नेपाल काठमाडौं ओपनको दोस्रो दिन दिनेश र भुवन शीर्षस्थानमा
बैशाख १२, २०८१ बुधबार
गोरखा भूकम्पको ९ वर्ष : पीडित अझै अस्थायी टहरामा
बैशाख १२, २०८१ बुधबार
पर्सामा साना तथा घरेलु उद्योगमा महिला उद्यमीको स्वामित्व बढ्दै
बैशाख १२, २०८१ बुधबार
वागमतीको हिउदे अधिवेशन अन्त्य गर्न सिफारिस
बैशाख १२, २०८१ बुधबार
राष्ट्रिय महिला भलिबल खेलाडी चन्दलाई ५० हजार नगदसहित सम्मान
बैशाख १२, २०८१ बुधबार