गुप्तचर विभागका हाकिमको अमेरिका भ्रमण निराशाजनकः आइतबार हाजिर हुने
नेपालबहस संवाददाता
जेठ १३, २०८० शनिबार १५:३०:२६
१३ जेठ, काठमाडौं । नेपालमा नक्कली भूटानी शरणार्थी प्रकरण चलिरहेका बेला अमेरिका पुगेका राष्ट्रिय अनुसन्धान विभागका प्रमुख तीन सातापछि शुक्रबार नेपाल फर्केका छन् । नेपालमा हाइप्रोफाइल नेताहरू पक्राउ परे लगत्तै अमेरिका उडेका उनी प्रहरीले अनुसन्धान गरेर मुद्दा बुझाएपछि मात्रै नेपाल फर्केका हुन् । उनी आइतबारबाट कार्यालयमा हाजिर हुन जाने तयारी गरेको स्रोतले जनाएको छ ।
यता नेपालमा अनुसन्धान शुरु हुना साथ उनी अमेरिका उडेका थिए । जेठ १९ गते राष्ट्रिय अनुसन्धान विभागका मुख्य अनुसन्धान निर्देशक हुतराज थापा अमेरिका गएका थिए । थापा परिवारसहित कतार एअरवेजको उडान नम्बर क्युआर ६४७ मा अमेरिका उडेका थिए । उनी फर्कँदा पनि कतार एयरवेजको उडान नम्बर क्यूआर ६४४ बाट काठमाडौं आएका हुन् ।
‘नेपालमा नक्कली भूटानी शरणार्थी अनुसन्धान शुरु हुनसाथ उहाँ अमेरिका जानु भएको हो, अदालतमा मुद्धा दर्ता भएपछि फर्कनु भएको छ, उहाँले अमेरिकामा रहँदा त्यहाँ केही कूटनीतिक भेटघाट गरेको बुझिन्छ’ अनुसन्धान विभागका एक अधिकारीले भने ।
सरकारी वकिलको कार्यालयले नक्कली भूटानी शरणार्थीबारे बुधबार मात्र जिल्ला अदालत काठमाडौंमा मुद्दा दर्ता गरेको थियो भने शुक्रबारबाट अदालतमा बयान शुरु भएको छ । उनी भने अमेरिकामा विभिन्न कूटनीतिक लविङमा रहेपनि सफल भएनन् । माओवादी कोटाबाट अनुसन्धान विभाग प्रमुख भएका थापाले अमेरिकाले माओवादीलाई लगाएको आतंकवादीको चार्ज हटाउन उनले कूटनीतिक लविङ गरेपनि उनी सफल नभएको स्रोतको दावी छ ।
गत फागुनमा नेपाल सरकारले अमेरिकी जासुसी संस्था सेन्ट्रल इन्टेलिजेन्स एजेन्सी (सीआईए) का प्रमुख विलियम्स जोसेफ बर्न्सको नेपाल भ्रमणमा रोक लगाएपछि नेपालका गुप्तचर विभाग प्रमुख थापा अमेरिका पुगेर सीआईएका प्रमुखलाई पनि भेट्न खोजेका थिए । तर सीआईए प्रमुखले भेटघाटको समय नदिएपछि उनी निराश भएर नेपाल फर्केका हुन् । तत्कालीन समयमा सीआईए प्रमुख बर्न्सको भ्रमणका बेला अमेरिकी सेनाको जहाजमा २ हजार थान हतियार र अत्याधुनिक गाडीसमेत ल्याउन लागिएको थियो । बर्न्सको भ्रमणसँग ती हतियार पनि उतै रोकिएका थिए । बर्न्सको जहाजसँगै ल्याउन लागिएका हतियार नेपाली सेनाले खरिद गरेको थियो ।
फागुनमा प्रचण्ड नेतृत्वको सरकारले उनको भ्रमण रोकेको थियो । अहिले माओवादी पार्टीलाई लागेको आतङ्ककारी चार्ज हटाउन नेपाल सरकारको अघोषित दूत बनेर गएका थापालाई त्यहाँका प्रमुखले समय छैन भनेर समय दिएनन । ‘धेरै दिनदेखि उनले कोसिस गरेको भएपनि अमेरिकाको गुप्तचर विभागको तल्लो तहको कर्मचारीले पनि उनलाई रेस्पोन्स नगरेको स्रोतको दावी छ । ‘उनी प्रचण्डका दूतका रुपमा अमेरिका आएका रहेछन् तर उनलाई यहाँ कुटनीतिज्ञहरूले सामान्य तहको कर्मचारीको व्यवहार पनि गरेनन्’, स्रोतले भन्यो ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपदामदार र आर्थिक चलखेल हुने विभागमा एमाले र माओवादीको तानातान, समय नपुग्दै सरुवा
बैशाख ८, २०८१ शनिबार
सहसचिव अधिकारी, शर्मा र खरेललाई सचिवमा बढुवा गर्ने मन्त्रिपरिषदको निर्णय
बैशाख ६, २०८१ बिहिबार
गोदावरी बैठक छाडेर घरमै आराम गरिरहेका छन ओली
नेपालबहस संवाददाता
बैशाख ९, २०८१ आइतबार
अमिर शेखको भ्रमणलाई लिएर सुरक्षामा कडाई
नेपालबहस संवाददाता
बैशाख १०, २०८१ सोमबार
राज्यकोषबाट १-२ अर्ब निकालेर सहकारी पीडितलाई दिने गृहमन्त्रीको मुड !
बैशाख ११, २०८१ मंगलबार
इलाम उपनिर्वाचन, डरैडरमा उम्मेदवार
बैशाख ११, २०८१ मंगलबार
कतारका अमिरको नेपाल भ्रमणः सार्वजनिक विदामै अलमलियो मन्त्रिपरिषद
बैशाख १०, २०८१ सोमबार
ट्याक्टर दुर्घटनाबाट सशस्त्र प्रहरीले बचाए चालकको ज्यान
बैशाख ११, २०८१ मंगलबार
रुससँग लड्न युक्रेनले अब उमेर पुगेका नागरिकलाई स्वदेश फिर्ता बोलाउने
बैशाख ११, २०८१ मंगलबार
राष्ट्रपति पौडेलद्वारा कतारका अमिरको सम्मानमा रात्रिभोज आयोजना
बैशाख ११, २०८१ मंगलबार
ज्योति विकास बैंकको वित्तीय अवस्था दिन प्रतिदिन बिग्रँदो क्रममा, व्यवसाय विस्तार ठप्प
बैशाख ११, २०८१ मंगलबार
कर्णालीका मुख्यमन्त्री कँडेलले वैशाख १३ गते विश्वासको मत लिने
बैशाख ११, २०८१ मंगलबार
दैलेखमा एउटै बँदेलको टोकाइबाट सात जना घाइते
बैशाख ११, २०८१ मंगलबार