सिंहदरबारमा मन्त्रिपरिषद्को बैठक

१४ जेठ, काठमाडौं । मन्त्रिपरिषद्को बैठक सिंहदरबारस्थित प्रधानमन्त्री तथा मन्त्रिपरिषद्को कार्यालयमा बसिरहेको छ । 

आगामी आर्थिक वर्षको बजेट र प्रधानमन्त्री पुष्पकमल दाहाल ‘प्रचण्ड’को भारत भ्रमण लगायतबारे छलफल गर्न मन्त्रिपरिषद्को बैठक बसेको हो ।

बैठकमा भोलि सोमबार मनाइने गणतन्त्र दिवसमा विभिन्न कैदीबन्दीहरुलाई आममाफी दिने प्रस्तावमाथि पनि छलफल हुँदैछ ।

प्रधानमन्त्री प्रचण्डको भारत भ्रमण यही जेठ १७ देखि २० गतेसम्मका लागि तय भएको छ ।