सिंहदबार गेट अगाडि प्रदर्शन, केही प्रदर्शनकारी पक्राउ

१४ जेठ, काठमाडौं । नेपालीलाई नक्कली भुटानी शरणार्थी बनाएर ठगी गर्ने गिराेहमा संलग्नलाई कारबाहीको माग गर्दै सिंहदरबार गेट अगाडि प्रदर्शन गरिएको छ । मानव अधिकार तथा शान्ति समाजको अगुवाइमा दोषीलाई कारबाही गर्नुपर्ने माग गर्दै सिंहदरबार अगाडि प्रदर्शन भएको हो । 

प्रदर्शनकारीले सिंहदरबारको दक्षिणतर्फको प्रवेशद्वार अगाडि प्रदर्शन गरेका थिए । प्रहरीले केही प्रदर्शनकारीलाई पक्राउ गरेको छ । प्रदर्शनकारीहरूले ‘नक्कली भुटानी शरणार्थी प्रकरणका मूल दोषीलाई कारबाही गर’, ‘शीर्ष नेता भ्रष्ट छन्, नेपाल जनता त्रस्त छन्, शीर्ष नेताहरूको सम्पत्ति छानबिन गर’, ‘भ्रष्टाचार हटाऊ ः लोकतन्त्र बचाऊ’ लगायत नारा लगाएका थिए ।