रेशम चौधरीलाई आममाफी दिने सरकारको निर्णयविरुद्ध सर्वोच्चमा रिट
नेपालबहस संवाददाता
जेठ १४, २०८० आइतबार १६:३५:५
१४ जेठ, काठमाडौं । नागरिक उन्मुक्ति पार्टी (नाउपा) का संरक्षक तथा टीकापुर घटनाका दोषी ठानिएका रेशम चौधरीलाई आममाफी दिने सरकारको निर्णय कार्यान्वयन रोक्न माग गर्दै सर्वोच्च अदालतमा रिट पुगेको छ ।
घटनामा हत्या गरिएको नेपाल प्रहरीका इन्स्पेक्टर केशव बोहोराकी पत्नी शारदा बोहोराले आज सर्वोच्चमा रिट दिएकी हुन् । रिट दर्ता गर्ने वा नगर्ने भन्ने बारे सर्वोच्च प्रशासनले अध्ययन गरिरहेको जनाइएको छ ।
घटनामा दोषी ठहर भई जन्मकैद सजाय काटिरहेका चौधरीलाई सरकारको मन्त्रिपरिषदको बैठकले आजै मात्र बाँकी सजाय माफी दिने निर्णय गरेको हो । निर्णय अनुमोदनका लागि सरकारले राष्ट्रपति रामचन्द्र पौडेल समक्ष सिफारिस गरिसकेको छ । दर्ता गर्ने कि दरपीठ गर्ने भन्ने निर्णय भोलि मात्र हुने जनाइएको छ ।
अहिलेको संविधानप्रति असन्तुष्ट जनाउँदै थारू समुदायले गरेको आन्दोलनका क्रममा २०७२ भदौ ७ मा कैलालीको टीकापुरमा नेपाल प्रहरीका एसएसपी लक्ष्मण न्यौपाने, इन्स्पेक्टर बोहोरासहित ७ प्रहरी र एक नाबालकसहित ८ जनाको ज्यान गएको छ । उक्त घटनामा मुख्य योजनाकारमा चौधरीसहित ४ जनालाई जन्मकैद, १९ जनालाई फरक फरक कैद सजाय हुने सर्वोच्चबाट समेत गएको हप्ता मात्र दोषी ठहर भएको थियो ।
यसपछि सरकारले भोलि जेठ १५ गणतन्त्र दिवसको अवसरमा पारेर चौधरीलाई पनि समेटेर विभिन्न कसुरमा कैदी बन्दीहरुलाई बाँकी सजाय मिनाहा गरी आममाफी दिने निर्णय गरेको छ । चौधरीलाई आममाफी दिने सरकारको तयारी र आममाफीका लागि चौधरीले राष्ट्रपति रामचन्द्र पौडलसमक्ष निवेदन पेस गरेपछि गत शुक्रबार शारदा राष्ट्रपति कार्यालयलाई निवेदन लेखेर आममाफी नदिन अपिल गरेकी थिइन् ।
यस्तो अवस्थाबीच सरकारले आममाफी दिन राष्ट्रपति समक्ष सिफारिस गरेको गरेको छ । आममाफी दिइने कैदीहरूको नाम आजै साँझ राष्ट्रपति कार्यालयबाट सार्वजनिक हुँदैछ ।
सरकारले गणतन्त्र दिवस र संविधान दिवस असोज ३ मा विभिन्न कैदीहरूलाई ५० प्रतिशत कैद काटिसकेका र आचरण असल भएकालाई आममाफी दिँदै आएको छ ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपराष्ट्रपतिबाट नवनियुक्त प्रधानन्यायाधीश राउतले लिए शपथ
असोज २०, २०८१ आइतबार
प्रकाशमानसिंह राउत सर्वोच्चको प्रधानन्यायाधीशमा नियुक्त
असोज २०, २०८१ आइतबार
प्रधानन्यायाधीशमा राउतको आज शपथ, सर्वोच्चमा स्वागत र विदाइको विशेष कार्यक्रम
असोज २०, २०८१ आइतबार
दशैंको मुखमा आईजीपी कुँवरविरुद्ध अख्तियारमा उजुरी
नेपालबहस संवाददाता
असोज २१, २०८१ सोमबार
कर्णालीले जित्यो एभरेस्ट महिला भलिबल लिगको उपाधि
नेपालबहस संवाददाता
असोज १९, २०८१ शनिबार
दाउन्ने सडकखण्डमा ठूला मालवाहक सवारीसाधन सञ्चालनमा रोक
नेपालबहस संवाददाता
असोज १९, २०८१ शनिबार
दशैंको मुखमा आईजीपी कुँवरविरुद्ध अख्तियारमा उजुरी
असोज २१, २०८१ सोमबार
एनपीएल अक्सनमा उच्च मूल्यमा बिक्री भए यी खेलाडी
असोज २१, २०८१ सोमबार
यस्तो छ आजका लागि विदेशी मुद्राको सटही दर
असोज २२, २०८१ मंगलबार
आज जन्म लिने बच्चा वृश्चिक राशीको हुने
असोज २२, २०८१ मंगलबार
नवरात्रको छैटौँ दिनः स्कन्दमाताको पूजा आराधना गरिँदै
असोज २२, २०८१ मंगलबार
नोबेल जित्नु ‘भूकम्प’ जस्तै– रुभ्कन
असोज २१, २०८१ सोमबार