नेपालीले ५० खर्ब ३६ अर्ब उपभोगमा खर्चिने अनुमान
![नेपालबहस संवाददाता](
https://nepalbahas.prixacdn.net/media/albums/NB_T3X4AROp05.jpeg
)
नेपालबहस संवाददाता
जेठ १५, २०८० सोमबार १२:६:३१
![](https://nepalbahas.prixacdn.net/media/albums/Atthik-survey_aZ0ex4IAc0_h1eLkpj35B.jpg)
१५ जेठ,काठमाडौं । आर्थिक वर्ष ०७९/८० को आर्थिक सर्वेक्षणले जीडीपीको अनुपातमा कुल उपभोगमा कमी आएको देखाए पनि चालु आर्थिक वर्षमा नेपालीले उपभोगमा ५० खर्ब ३६ अर्ब रुपैयाँ खर्चिने अनुमान गरेको छ । यस वर्षको कुल गार्हस्थ्य उत्पादन (जीडीपी) को अनुपातमा यो खर्च ९३.६ प्रतिशत हो । जीडीपीको अनुपातमा चालु आर्थिक वर्षमा कुल उपभोग ०.६ प्रतिशत विन्दुले घटेको छ । गत आर्थिक वर्षमा नेपालीको कुल उपभोग जीडीपीको अनुपातमा ९४.२ प्रतिशत थियो ।
समग्र मागमा कमी आइरहेकाले जीडीपीको अनुपातमा कुल उपभोगमा कमी आएको हो । नेपालमा कुल उपभोग र कुल गार्हस्थ्य उत्पादनको अनुपात प्रायः ९० प्रतिशतभन्दा माथि रहँदै आएको छ । पछिल्लो एक दशकमा जीडीपीमा उपभोगको हिस्सा वार्षिक औसत ९१.२ प्रतिशत रहेको सर्वेक्षणमा उल्लेख छ ।
आयातमा संकुचन आएसँगै जीडीपीको अनुपातमा कुल उपभोगमा कमी आएको राष्ट्रिय तथ्यांक कार्यालयले जनाएको छ । जनसंख्या वृद्धिदरको तुलनामा जीडीपीको वृद्धिदर बढी छ । यसले पनि जीडीपीको अनुपातमा उपभोगमा केही कमी आएको हो । घरपरिवारले पुँजीगत वस्तु खरिद गरेको अवस्थामा पनि त्यसलाई उपभोगमा गणना गरिन्छ । गत वर्ष सरकारले आयातमा प्रतिबन्ध लगाएपछि घरपरिवारले विलासिताका महँगा गाडीको खरिद घटेको छ । यसले समग्र उपभोगमा सीमान्त रूपमा कमी आएको देखिएको छ ।
जीडीपीको अनुपातमा घटे पनि रकमका आधारमा भने कुल उपभोग ८.३ प्रतिशतले बढ्ने सर्वेक्षणको प्रक्षेपण छ । यसले गत वर्षको तुलनामा यस वर्ष नेपालीले उपभोग्य वस्तु तथा सेवामा गर्ने खर्च बढेको छ । अघिल्लो वर्षको तुलनामा गत आर्थिक वर्षमा कुल उपभोग १४.१ प्रतिशतले बढेको थियो । गत आर्थिक वर्षमा नेपालीले उपभोगमा ४६ खर्ब ४८ अर्ब रुपैयाँ खर्चिएको राष्ट्रिय तथ्यांक कार्यालयले जनाएको छ ।
चालु आर्थिक वर्षमा जीडीपीमा सरकारी क्षेत्रको उपभोगको अनुपात उल्लेख्य रूपमा घटी एक दशकयताकै न्यून हुने अनुमान छ । चालु आर्थिक वर्षमा जीडीपीमा उपभोगको अनुपात सरकारी क्षेत्रको ५.४, निजी क्षेत्रको ८६.३ र गैरनाफामूलक संस्थाको १.८ प्रतिशत रहने अनुमान सर्वेक्षणले गरेको छ । गत आर्थिक वर्षमा यस्तो अनुपात सरकारी क्षेत्रको ८.५, निजी क्षेत्रको ८३.९ र गैरनाफामूलक क्षेत्र १.८ प्रतिशत थियो ।
चालु आर्थिक वर्षमा सरकारी क्षेत्रको उपभोग घट्ने र निजी क्षेत्र तथा गैरनाफामूलक संस्थाको उपभोग बढ्ने अनुमान छ । गत आर्थिक वर्षमा सरकारी क्षेत्र, निजी क्षेत्र र गैरनाफामूलक संस्थाको उपभोगको अनुपात क्रमशः ९.०१, ८९.०९ र १.९१ प्रतिशत रहेकामा चालु आर्थिक वर्षमा यस्तो अनुपात ५.८०, ९२.१८ र २.०२ प्रतिशत रहने अनुमान सर्वेक्षणमा गरिएको छ ।
कुल निजी उपभोगमध्ये खाद्यान्नको अनुपात बढी छ । चालु आर्थिक वर्षमा कुल निजी उपभोगमा खाद्यान्न, गैरखाद्यान्न वस्तु र सेवाको अंश क्रमशः ४८.३, १८.७ र ३३ प्रतिशत रहने अनुमान छ । विगत १० वर्षमा कुल निजी उपभोगमा खाद्यान्नको हिस्सा ४९, गैरखाद्यान्नको १८.४ र सेवाको ३२.६ प्रतिशत छ । कुल राष्ट्रिय बचत जीडीपीको ३१.७ प्रतिशत रहने अनुमान सर्वेक्षणमा गरिएको छ ।
गत आर्थिक वर्षको तुलनामा चालु आर्थिक वर्षमा कुल लगानीमा सुस्तता आउने अनुमान छ । ब्याजदरमा भएको वृद्धिका कारण कर्जा प्रवाहमा आएको कमी र उच्च मूल्य वृद्धिले आर्थिक गतिविधिमा सुस्तता आई कुल लगानीमा समेत कमी आएको सर्वेक्षणमा उल्लेख छ । कुल स्थिर लगानीमा सरकारी र निजी क्षेत्रको अंश बढ्दै गएको छ । सार्वजनिक संस्थाको अंश घट्दै गएको छ । चालु आर्थिक वर्षमा कुल स्थिर लगानी १३ खर्ब ५६ अर्ब रहने अनुमान छ । गत आर्थिक वर्षमा यस्तो अन्तर ३१.६ प्रतिशत थियो । गत आर्थिक वर्षको तुलनामा यस वर्ष कुल लगानी ५ प्रतिशतले घटेकाले बचत र लगानी बीचको अन्तरमा कमी आएको हो ।
चालु आर्थिक वर्षमा प्रतिव्यक्ति कुल गार्हस्थ्य उत्पादन १ लाख ८२ हजार ६ सय ८३ रुपैयाँ पुग्ने अनुमान छ । गत वर्ष यो १ लाख ६९ हजार ३९ रुपैयाँ थियो । चालु आर्थिक वर्ष प्रतिव्यक्ति जीडीपी ८.१ प्रतिशतले बढ्ने अनुमान सर्वेक्षणमा गरिएको छ । अमेरिकी डलरका आधारमा प्रतिव्यक्ति कुल गार्हस्थ्य उत्पादन गत आर्थिक वर्ष ०७९÷७९ मा १ हजार ३ सय ९९ अमेरिकी डलर रहेकामा चालु आर्थिक वर्षमा परिवर्तन नहुने अनुमान छ । प्रदेशगत रूपमा बहुआयामिक गरिबीमा उच्च विषमता देखिन्छ । प्रदेशगत जनसंख्यामध्ये बहुआयामिक गरिबी कर्णालीमा सबैभन्दा बढी ३९.५ र वाग्मतीमा सबैभन्दा कम ७ प्रतिशत छ । मानव विकास प्रतिवेदन २०२१ अनुसार नेपालको मानव विकास सूचकांक ०.६०२ पुगेको छ ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपप्रदेशको बजेट, उठाउनै नसक्ने आन्तरिक ऋण !
असार १२, २०८१ बुधबार
ह्वीप लगाएर सरकारले प्रतिनिधि सभाबाट पारित गर्यो बजेट
असार ११, २०८१ मंगलबार
रंगेली नगरपालिकाको बजेट ७२ करोड
असार ११, २०८१ मंगलबार
विदेशबाट आएका कामतको होटलमा शङ्कास्पद मृत्यु, साथमा आएकी परस्त्री फरार
नेपालबहस संवाददाता
असार ११, २०८१ मंगलबार
अन्तरिक्षबाट घरको छतमा टुक्रा खसेपछि नासाविरुद्ध मुद्धा दायर
नेपालबहस संवाददाता
असार १०, २०८१ सोमबार
भारतको सेमिफाइनल खेलमा वर्षा भयो भने के हुन्छ ?
नेपालबहस संवाददाता
असार १०, २०८१ सोमबार
सशस्त्र प्रहरीका एसपी र डीएसपी सरुवामा गृहमन्त्रीको मनलाग्दी
असार १२, २०८१ बुधबार
नेपाल आइडल विजेता करण परियारलाई प्रधानमन्त्रीले दिए बधाई, गितार उपहार
असार १२, २०८१ बुधबार
देशभर मनसुनी वायुको प्रभाव : आज यी ठाउँहरुमा भारी वर्षा हुने
असार १२, २०८१ बुधबार
सिटिजन्स बैंकद्वारा भुकम्पबाट क्षतिग्रस्त बझाङको विद्यालयलाई एक लाख सहयोग प्रदान
असार १२, २०८१ बुधबार
रास्वपाको भविश्य छैन, दुर्घटनाउन्मुख छः महामन्त्री मुकुल
असार १२, २०८१ बुधबार
सिटिजन्स बैंकका ग्राहकलाई सितल चौतारीमा विशेष छुट
असार १२, २०८१ बुधबार
प्रदेशको बजेट, उठाउनै नसक्ने आन्तरिक ऋण !
असार १२, २०८१ बुधबार
इजरायलले उत्तरी गाजाबाट हमास सरकारलाई विस्थापित गर्ने योजना ल्याउँदै
असार १२, २०८१ बुधबार