गणतन्त्र दिवसमा वीरगन्ज कारागारबाट १९ कैदी मुक्त

१५ जेठ, वीरगञ्ज । १६औं गणतन्त्र दिवसको अवसरमा बाँकी सजाय माफी पाएका पर्साको वीरगन्ज कारागारका १९ जना कैदीबन्दी मुक्त भएका छन् ।

कर्तव्य ज्यानमा कैद भएका ५ जना, सवारी ज्यानका ३, चोरी मुद्दाका ३, हातहतियार तथा खरखजानाका २ र अपराधिक लाभका १, ज्यान मार्ने उद्योग १, लागू औषध गाँजाका १ र अन्य कसुरका १ गरी १९ जनाले बाँकी सजाय माफी पाएका हुन् । 

सरकरको सिफारिमा राष्ट्रपति रामचन्द्र पौडेलले उनीहरुको भुक्तान गर्न बाँकी सजाय आजबाट लागू हुने गरी मिनाहा गरिदिएका हुन् । मुक्त भएका कैदी बन्दीलाई निमित्त जेलर नवराज बर्तौला, सशस्त्रका डिएसपी लक्ष्मण बराल लागयतले सोमबार बिहान टिका लगाएर बिदाइ गरेका थिए ।