सरकारी कार्यालयमा थन्किएका सवारीसाधन ६ महिनाभित्र लिलामी गरिने

१५ जेठ, काठमाडौं । सरकारले सरकारी कार्यालयमा बिग्रिएर थन्किएका सवारी साधनलाई ६ महिनाभित्र लिलामी गर्ने भएको छ । सोमबार संघीय संसदको संयुक्त बैठकमा सरकारको आगामी आर्थिक वर्ष २०८०/८१ को बजेट प्रस्तुत गर्दै अर्थमन्त्री डा. प्रकाशशरण महतले यस्तो घोषणा गरेका हुन् । 

सरकारले बजेटमार्फत गरेको व्यवस्था गरेसँगै देशभरका सरकारी कार्यालयमा वर्षौंदेखि थन्किएका ४ पांग्रे र दुई पांग्रे लगायत सवारी साधनको व्यवस्थापन हुने भएको छ ।