बजेटः उर्जातर्फ ८७ अर्ब ४५ करोड रुपैयाँ विनियोजन

१५ जेठ, काठमाडौं । सरकारले उर्जाको विकास तथा वितरणका लागि आगामी आर्थिक वर्षका लागि ८७ अर्ब ४५ करोड रुपैयाँ बजेट विनियोजन गरेको छ । 

सोमबार संघीय संसदको संयुक्त बैठक आगामी आवको बजेट प्रस्तुत गर्दै अर्थमन्त्री डा. प्रकाशशरण महतले उक्त बजेट रकम छुट्याइएको जानकारी दिएका हुन् ।

उनले आगामी आवमा विभिन्न आयोजनाको निर्माण कार्य सम्पन्न भई ९०० मेगावाट बिजुली राष्ट्रिय प्रसारण लाइनमा जोडिने बताए । योसँगै आगामी आवमा बिजुलीको कुल उत्पादन ३ हजार ६०० मेगावाट पुग्ने उनले मन्त्री महतले बताए ।

बजेट प्रसारण लाइन विस्तार तथा विद्युत प्राधिकरणकाे पुनर्संरचनामा खर्च गरिने उनले बताए ।