संचारकर्मी महेश्वर अधिकारी ५ दिनदेखि सम्पर्कविहीन

१६ जेठ, काठमाडौं । बाराका पत्रकार महेश्वर अधिकारी सम्पर्कविहीन भएका छन् ।  ५ दिनदेखि सम्पर्कविहीन भएका उनको परिवारले खोजीका लागि आग्रह गरेको छ । 

काठमाडौँ कागेश्वरी मनोहरा नगरपालिकामा बस्दै आएका संचारकर्मी अधिकारी काठमाडौँ महानगरपालिका थापागाउँ, नयाँ बानेश्वरबाट गत शुक्रबार दिउँसो २ बजेदेखि सम्पर्कविहीन भएका हुन् । शुक्रबार बिहान घरबाट कार्यलय निस्केका उनी अहिलेसम्म सम्पर्कमा नआएपछि परिवारले खोजीका लागि आग्रह गरेको हो । 

उनले प्रयोग गर्ने मोबाइलसमेत  स्वीच्ड अफ रहेको छ । सम्पर्कविहीन भएको सूचना प्रहरीसम्म पुगेको छ । प्रहरी र आफन्तले शुक्रबारबाट नै खोजबिन गरिरहे पनि उनी कतै फेला परेका छैनन् ।