महुली लघुवित्तको शेयर लिलामी बिक्री खुला

१६ जेठ, काठमाडौं । एनआईसी एसिया बैंकले आफ्नो स्वामित्वमा रहेको महुली लघुवित्तको ५ हजार १८३ कित्ता संस्थापक शेयर मंगलबारबाट लिलामी बिक्री खुला गरेको छ । यसमा जेठ २३ गतेसम्म बोलपत्र पेश गर्न सकिनेछ । लगानीकर्ताले यो शेयरमा न्यूनतम २६४ रुपैयाँ रुपैयाँ भाउ राखेर आवेदन दिन सक्नेछन् । 

कम्पनीको लिलामी आवेदन एनआईसी एसिया क्यापिटल बबरमहल, एनआइसी एसिया बैंकको केन्द्रीय कार्यालय थापाथली र शाखा कार्यालयहरु विराटनगर, वीरगंज, पोखरा, बुटवल, धनगढी र सुर्खेतबाट पेश गर्न सकिनेछ ।