आगलागीबाट विभिन्न धनमाल जलेर नष्ट

१६ जेठ, काठमाडौं ।  नवलपरासी (पूर्व), गैंडाकोट नगरपालिका-१३ सिख्रौलीस्थित गुरुचन्द्र बिष्टको अबिनास हेचरीको गोदाम घरमा विद्युत सर्ट भई सोमबार दिउँसो आगलागी हुँदा करिब २ करोड ५० हजार रुपैयाँ बराबरको धनमाल जलेर नष्ट भएको छ ।

यस्तै, रुपन्देहीको सियारी गाउँपालिका-६ मिलनचोकस्थित सडकमा लु।१ क २०६७ नम्बरको ट्याङकरमा सोमबार दिउँसो आगलगागी हुँदा ट्याङकर पूर्णरुपमा जलेर करिब ४२ लाख रुपैयाँ बराबरको धनमाल नष्ट भएको छ । 

यसैगरी, झापाको भद्रपुर नगरपालिका-७ लेखनाथ चोक बस्ने कमल कर्मचार्यको कमल स्टोर पसल र पसलसंगै रहेको गोदाममा विद्युत सर्ट भई गएराति आगलागी हुँदा पसलभित्र रहेको विभिन्न किसिमका ईलेक्ट्रोनिक सामान, भाँडाकुडा र कस्मेटिक सामानहरु जलेर करिब २ करोड रुपैयाँ बराबरको धनमाल नष्ट भएको छ । 
प्रहरीले स्थानीय वासिन्दा र दमकलको सहयोगमा आगलागी नियन्त्रणमा लिनुका साथै यस सम्बन्धमा थप अनुसन्धान गरिरहेको छ ।