काठमाडौंका ६८ अस्पतालले लुकाए उपचारमा छुटसम्बन्धी विवरण, महानगरले दियो यस्तो चेतावनी

१७ जेठ, काठमाडौं । काठमाडौं महानगरपालिकाले बिरामीलाई दिन तोकिएको सुविधा नदिने ६८ अस्पतालको प्रशासन बन्द गराउने भएको छ ।

महानगरका मेयर बालेन शाहले ‘स्वास्थ्य संस्था सञ्चालन मापदण्ड, २०७७’ र प्रचलित स्वास्थ्यसम्बन्धी कानुन अनुसार विपन्न एवं लक्षित वर्गलाई दिनुपर्ने कुल शैय्याको १० प्रतिशत छुट्याई निःशुल्क उपचार सुविधा नदिएको पाइएपछि अस्पतालको प्रशासन बन्द गराउने चेतावनी दिएका छन् । 

बुधबार सामाजिक संजालमा स्टाटल लेख्दै साहले निःशुल्क उपचारको व्यवस्था कार्यान्वयन गराउन आफूले स्वास्थ्यमन्त्री मोहनबहादुर बस्नतेसँग मंगलबार भेट गरी विपन्न र लक्षित वर्गलाई कानुने दिएको निःशुल्क उपचार र स्वास्थ्यसम्बन्धी छुट दिलाउन ध्यानाकर्षण गराइसकेको स्मरण गराएका छन् । 

सुविधा कार्यान्वयन गराउनेबारे महानगरले २०८० जेठ ६ गते सार्वजनिक सूचना जारी गरिसकेको छ । सोही बमोजिम छुट सुविधाबारे विवरण माग गर्द ६८ अस्पतालले विवरण लुकााएको जनाउँदै मन्त्रालयले उक्त अस्पताललाई ७ दिनभित्र कारवाहीको दायरामा नल्याए महानगरले नै अस्पतालको प्रशासन बन्द गर्ने स्पष्ट पारेका छन् ।

महानगरले विवरण लुकाउने अस्पतालहरूकाे नाम छिट्टै सार्वजनिक गरिने भएकाे छ ।