पौडेल बने भन्सार विभागका महानिर्देशक

१७ जेठ, काठमाडौं । भन्सार विभागको महानिर्देशकमा सहसचिव शोभाकान्त पौडेललाई ल्याइएकाे छ । भन्सार विभागका महानिर्देशक चक्रबहादुर बुढाको सरुवासँगै विभाग नेतृत्वविहीन थियो । 

खानेपानी मन्त्रालयबाट हालै अर्थ मन्त्रालयमा सरुवा भएका पौडेललाई मन्त्रालयले भन्सार विभागको नेतृत्वको जिम्मेवारी दिएको हो । उनले यसअघि आन्तरिक राजस्व विभागको महानिर्देशकको जिम्मेवारी सम्हालिसकेका छन् । 

अर्थमन्त्रीको रुपमा गठबन्धन सरकारमा कांग्रेसबाट डा. प्रकाशशरण महत आएपछि पौडेलले विभागमा महानिर्देशकको जिम्मेवारी पाएका हुन् ।