अमलेखगञ्ज-चितवन पेट्रोलियम पाइपलाइन निर्माणका लागि भारतसँग एमओयूमा हस्ताक्षर

१८ जेठ, काठमाडौं । अमलेखगञ्ज–चितवन र सिलगुडी-झापा पेट्रोलियम पाइपलाइन निर्माणका लागि नेपाल–भारतबीच एमओयू सम्झौता भएको छ ।

४ दिने भ्रमणका क्रममा भारतको नयाँदिल्लीमा प्रधानमन्त्री प्रचण्ड र भारतका प्रधानमन्त्री नरेन्द्र मोदीको समुपस्थितिमा उद्योग, वाणिज्य तथा अापूर्ति मन्त्री रमेश रिजाल र भारतका पेट्राेलियम तथा प्राकृतिक ग्यास मन्त्री हरिद्वीप सिंह पुरीबीच सम्झौतापत्रमा हस्ताक्षर भएको हो । भारतको मोत्तीहारीबाट अमलेखगञ्जसम्म पाइपलाइन बनाउने काम चलिरहेको छ । 

अमलेखगञ्ज–चितवन र सिलगुडी-झापा पाइपलाइन दुई वटा परियोजनाका लागि १७ अर्ब रुपैयाँ लाग्ने अनुमान छ ।

दुवै देशका प्रधानमन्त्रीले भारतको बतनाहा र नेपालको विराटनगर दूरीको कार्गो रेल संचालनको पनि संयुक्त रुपमा उद्घाटन पनि गरेका छन् । तल्लो अरुण, फुकोट राजमार्ग लगायत अन्य विभिन्न सम्झौता भएका छन् । सम्झौतापत्रमा हस्ताक्षरपछि अहिले संयुक्त पत्रकार सम्मेलन चलिरहेको छ ।