प्रधानमन्त्री प्रचण्डले समकक्षी मोदीलाई दिए नेपाल भ्रमणको निम्तो

१८ जेठ, काठमाडौं । चार दिने औपचारिक भ्रमणका क्रममा बुधबारदेखि भरतको नयाँ दिल्लीमा रहेका प्रधानमन्त्री पुष्पकमल दाहाल ‘प्रचण्ड’ले भारतीय समकक्षी नरेन्द्र मोदीलाई नेपाल भ्रमणको निम्तो दिएका छन् ।

दिल्लीस्थित हैदरावाद हाउसमा भएको संयुक्त पत्रकार सम्मेलनमा प्रधानमन्त्री प्रचण्डले भारत नेपालको सबैभन्दा नजिकको छिमेकी मात्रै नभएर सबैभन्दा ठूलो व्यापारिक साझेदार भएको उनले बताउँदै उनले चाँडै मोदीलाई नेपाल भ्रमणमा स्वागत गर्न आतुर रहेको उनले बताए ।

अरुण, भारतीय बाटो हुँदै बंगलादेशसम्म बिजुली निर्यात, ४८० मेगावाटको फुकोट कर्णाली, पञ्चेश्वर बहुद्देश्यीय आयोजना, पेट्रोलियम पाइपलाइन, सीमा समाधानलगायत विविध विषयमा सहमति भएको उनले बताएका थिए । सिलगुडी–झापा रेल मार्ग निर्माणका लागि पनि चाँडै सम्झौता हुने बताए ।

उनले बिहीबार नै भारतका राष्ट्रपति र उपराष्ट्रपतिसँग भेटवार्ता गर्ने कार्यक्रम छ । भ्रमण सकेर  जेठ २० गते स्वदेश फिर्ता हुनेछन् ।