भारतले नेपालबाट १० हजार मेगावाट बिजुली लिन्छः मोदी

१८ जेठ, काठमाडौं । भारतीय प्रधानमन्त्री नरेन्द्र मोदीले नेपालबाट आगामी १० वर्षमा १० हजार मेगावाट बिजुली लैजाने घोषणा गरेका छन् । 

भारत भ्रमणमा रहेका प्रधानमन्त्री पुष्पकमल दाहाल प्रचण्ड र भारतीय प्रधानमन्त्री मोदीको संयूक्त पत्रकार सम्मेलनमा बोल्दै मोदीले नेपालबाट १० हजार मेगावाट बिजुली लैजाने घोषणा गरेका छन् । 

पत्रकार सम्मेलनमा मोदीले नेपाल भारत दीर्घकालीन सम्झौता मार्फत १० वर्षमा १० हजार मेगावाट बिजुली लैजाने सहमति भएको बताए ।  

मोदीले रामायण सर्किटको काम अघि बढाउने बताए । उनले नेपाल र भारतबीचका दीर्घकालीन महत्वका काम अघि बढाउने उल्लेख गर्दै त्यसमा यो पनि पर्ने उल्लेख गरे ।

’प्रचण्डजी र मैले रामायण सर्किटको काम अघि बढाउँछौं,’ मोदीले भने । उनले बिहीबार निकै उपलब्धिमूलक सम्झौता भएको उल्लेख गर्दै यसले द्वि पक्षलाई हित हुने बताए ।