प्रधानमन्त्री प्रचण्ड र भारतीय राष्ट्रपति मुर्मुबीच भेटवार्ता

१८ जेठ, काठमाडौं । चार दिने भारत भ्रमणमा रहेका प्रधानमन्त्री पुष्पकमल दाहाल ‘प्रचण्ड’ले भारतका राष्ट्रपति द्रौपदी मुर्मुसँग बिहीबार भेटवार्ता गरेका छन् । प्रधानमन्त्री प्रचण्डले नयाँ दिल्लीस्थित राष्ट्रपति कार्यालयमा मुर्मुसँग भेट गरेका हुन् ।

भेटमा द्विपक्षीय हितका विषयमा विचारविमर्श भएको प्रधानमन्त्री प्रचण्डको सचिवालयले जनाएको छ । भेटमा नेपाली प्रतिनिधिमण्डलका समेत  सहभागिता रहेको थियो । यसअघि प्रधानमन्त्रीले भारतीय उपराष्ट्रपति जगदीप धनखडसँग भेटवार्ता भेट गरेका थिए ।

त्यसअघि आजै प्रधानमन्त्री दाहाल प्रचण्डले हैदरावाद हाउसमा भारतीय समकक्षी नरेन्द्र मोदीसँग भेटवार्ता गरेका थिए । त्यसलगत्तै दुई देशका बीचमा विभिन्न विषयमा सहमति तथा सम्झौतामा हस्ताक्षर भएको थियो । सहमति र सम्झौता भएका विषयलाई संयुक्त पत्रकार सम्मेलनमार्फत सार्वजनिक गरेका थिए ।