एनएमबी बैंक लुटपाटः अझै पक्राउ परेनन् लुटेरा, कर्मचारी र सुरक्षा गार्डमाथि निगरानी

१९ जेठ, काठमाडौं । महोत्तरीस्थित महोत्तरी गाउँपालिका–२ मा सञ्चालित एनएमबी बैंकको शाखामा भएको लुटपाटका संलग्न लुटेरा अझै पक्राउ पर्न सकेका छैनन् । 

बारे प्रहरीले सूक्ष्म ढंगबाट अनुसन्धान थालेको छ । गत मंगलबार अपरान्ह साढे १२ बजे बैंकभित्र प्रवेश गरेर पेस्तोलसहितका हतियारधारी समूहले कर्मचारीलाई नियन्त्रणमा लिई रकम लुटपाट गरेका थिए । 

प्रहरीका अनुसार बैंकबाट ३५ लाख रुपैयाँ लुटपाट भएको हो । महोत्तरी जिल्लाका प्रहरी प्रमुख प्रहरी उपरीक्षक (एसपी) प्रकाश मल्लले बैंक लुटपाटको घटनामा कोही पनि पक्राउ नपरेको र सूक्ष्म ढंगले अनुसन्धान भइरहेको बताए । पछिल्लो चरणमा बैंकका कर्मचारी र सुरक्षा गार्डमाथि निगरानी गर्ने काम भइरहेको सुरक्षा स्रोतले जनायो ।

लुटपाटको भिडियो रेकर्ड प्रहरीले नियन्त्रणमा लिएर अनुसन्धान गरिरहेको छ । लामो समयको रेकीपछि र कम संख्यामा ग्राहक भएको अवस्थामा लुटपाट भएको अनुमान प्रहरीको छ ।

यो पनि पढ्नुहोस