प्रचण्डले गरे महाकालेश्वरमा १०८ केजी रूद्राक्ष र ५१ हजार रूपैयाँ दान

१९ जेठ, काठमाडौं । भारत भ्रमणमा रहेका प्रधानमन्त्री पुष्पकमल दाहाल ‘प्रचण्ड’ले उज्जैनस्थित महाकालेश्वर मन्दिरमा विशेष पूजाअर्चना गरेका छन् ।

नयाँदिल्लीबा विशेष विमानमार्फत् शुक्रबार उज्जैन पुगेर प्रधानमन्त्री प्रचण्डले महाकालेश्वरको पूजाअर्चना गरेका हुन् । सोही क्रममा उनले नेपालबाट लगेको १०८ केजी रूद्राक्ष र ५१ हजार रूपैयाँ दान गरेका छन् । 

पूजा गर्ने क्रममा प्रधानमन्त्री प्रचण्डसँगै अर्थमन्त्री डा. प्रकाशशरण महत पनि सहभागी भएका छन् । भारतको १२ ज्योतिर्लिङमध्ये मशाकालेश्वर पनि एक हो । पूजाका क्रममा उनले पत्नी सिताको स्वास्थ्य सुधारका लागि कामना समेत गरेका छन् ।