कोरोनाकै लागि भनेर अब मास्क लगाइरहनु पर्दैन

 १९ जेठ, काठमाडौं । सरकारले कोरोनाकै लागि अब मास्क लगाइरहन नपार्ने बताएको छ । विदेशबाट नेपाल आउनेका लागि पनि अब कोरोनाविरुद्धको खोप लगाएको प्रमाण नचाहिने भएको छ । सरकारले शुक्रबार सचिवस्तरीय निर्णय गर्दै खोपको प्रमाण नचाहिने र कोरोनाकै लागि मास्क अनिवार्य नगर्ने व्यवस्था गरेको हो । 
 
अन्तर्राष्ट्रिय स्तरमा नै कोरोनाका कारण आपतकालीन अवस्था नरहेको र अधिकांश जनसंख्याले पूर्ण खोप लगाइसकेकाले एआईपी प्रोटोकल परिवर्तन गरिएको स्वास्थ्य तथा जनसंख्या मन्त्रालयले जनाएको छ ।