छात्रवासमा बालकको मृत्यु घटनाः आफन्तको आन्दोलनले नयाँबजार क्षेत्र तनावग्रस्त

१९ जेठ, काठमाडौं । काठमाडौंको नयाँबजारस्थित अभिषेक इन्टरनल लाइट पब्लिक स्कुल (इलिप्स)को छात्रवासमा  दिनअघि एक बालकको मृत्यु भउको घटनामा आफन्त र स्थानीयले प्रदर्शन गरेका छन् । 

यही बुधबार छात्रवासमै रहेका विद्यालयमा कक्षा ५ मा अध्ययनरत धादिङका ११ वर्षीय अभिषेक तामाङ झुन्डिएको अवस्थामा भेटिएको घटनामा बालकको हत्या भएको भन्दै दोषीलाई कारवाही गर्न उनीहरुले शुक्रबार दिउँसो सडकमा अवरोध खडा गरेर प्रदर्शन गरेका हुन् । अहिले नयाँ बजार, सोह्रखुट्टे क्षेत्र तनावग्रस्त बनेको छ ।प्रहरीले माइकिङ गर्दै प्रदर्शनकारीलाई अवरोध रोक्न भनिरहेको छ । 

बजार र सडकका अवरोध हटाउने क्रममा प्रदर्शनकारी र प्रहरीसँग झडप भएको छ। प्रदर्शनकारीलाई प्रहरीले पक्राउ गरेको छ । प्रदर्शनमाथि धरपकड चलाइएकाे छ ।

बालको मृत्यु शंकास्पद रहेको र प्रहरी प्रशासनले निष्पक्ष छानबिन गर्नुको साटो सामुसुम पार्न खोजिएको उनीहरुको आरोप छ । आफन्त नआइपुग्दै बालकको शवलाई अस्पताल पुर्याइएकोमा उनीहरुले हत्याको आशंका गरेका छन् ।