सांसद सोविता गौतम विवाहबन्धनमा बाँधिइन्

१९ जेठ, काठमाडौं ।  राष्ट्रिय स्वतन्त्र पार्टी (रास्वपा)की सांसद सोविता गौतम विवाह बन्धनमा बाँधिएकी छन् । गौतमले हालै आफ्नो प्रेमी गृहेन्द्र घिमिरेसँग विवाह बन्धनमा बाँधिएकी हुन् ।

स्रोतका अनुसार माओवादी केन्द्रमा आवद्ध चितवनवासी घिमिरे र सोविता लामो समयदेखि प्रेम सम्बन्धमा थिए । माइतीघरमा पूजा लगाएका बेला प्रणयसुत्रमा बाँधिएको बताइन्छ ।

तर उनले विवाह भएकोबारे केही बताएकी छैनन् । उनीहरू आफैंले भने विवाहकाे तस्बीर समेत सार्वजनिक गरेका छैनन् । उनीहरु हनिमुन मनाउन विदेश पुगेका छन् ।

गौतम गएको  मंसिर ४ मा सम्पन्न आमनिर्वाचनमा काठमाडौं–२ बाट प्रतिनिधिसभा सदस्य (सांसद) निर्वाचित भएकी हुन् । माओवादी केन्द्रकी प्रभावशाली नेतृ एवं पूर्वसभामुख ओन्सरी घर्तीलाई पराजित गरेकी थिइन् ।