शेयरबजारः ४८ वटा ब्रोकरले गरे कारोबार बन्द

२१ जेठ, काठमाडौं ।  बजेटमा थपिएको करको विषयलाई दिएर शेयर लगानी कर्ताहरु आन्दोलित भएका छन् । उनीहरुले कारोबार नगर्ने भन्दै ब्रोकर कार्यलय बन्द गराउन लगाएका छन् । यसले आजको शेयर कारोबार प्रभावित भएको छ । 

शेयर लगानीकर्ताले नेप्सेको ट्रेड मेनेजमेन्ट सिस्टम (टीएमएस) बन्द गर्न दबाब दिएसँगै आइतबार ४८ वटा ब्रोकरले कारोबार बन्द गरेका छन् ।नेपाल स्टक एक्सचेन्ज (नेप्से)का अनुसार सुरुमा ६ वटा ब्रोकरले टीएमएस खोलेका थिए । तर, ११ः१५ सम्म आइपुग्दा तीन वटाले मात्र कारोबार खुला गरेका छन् ।

ब्रोकरले डाइरेक्ट नेटवर्क एक्सिस (डीएनए) नदिएपछि लगानीकर्ताले सेयर अडर गर्न मिल्दैन । पछिल्लो समय आर्थिक विधेयकमा गरिएको व्यवस्थालाई लिएर लगानीकर्ता आन्दोलनमा रहेका छ । अहिले पनि लगानीकर्ताहरू अर्थमन्त्रीसँग छलफलमा रहेका छन् ।