सानिमा रिलायन्स लाइफको उत्कृष्ट अभिकर्तालाई अवार्ड

२१ जेठ, काठमाडौं । सानिमा रिलायन्स लाइफ इन्स्योरेन्स कम्पनी लिमिटेडको अभिकर्ता पुनर्ताजगी तथा उत्प्रेरणा कार्यक्रम सम्पन्न गरेको छ । साविक सानिमा लाइफ र रिलायन्स लाइफ इन्स्योरेन्स कम्पनी गाभिएपछि बनेको सानिमा रिलायन्स लाइफले चावहिल क्षेत्रका झण्डै ३ हजार अभिकर्ता पुनर्ताजगी तथा उत्प्रेरणा कार्यक्रम गरेको हो । 
‘खुलेर जिऔं’ नारा अघि सारेको कम्पनीकाे यस क्षेत्रीय कार्यक्रममा उत्कृष्ट १० अभिकर्तालाई सम्मान गरिएको छ । चालु आर्थिक वर्ष २०७९÷८० को तेस्रो त्रैमाससम्म सबैभन्दा बढि बिजनेश भित्र्याउने चाबहिल क्षेत्रका उत्कृष्ट १० जनालाई कम्पनीका सिइओ शिवनाथ पाण्डेले अवार्डसहित सम्मान गरेका हुन् । 

कार्यक्रममा कम्पनीका नायब कार्यकारी अधिकृत (डिसिईओ) निराजन कँडेल, डिजिएम चुडामणि चापागाई, क्षेत्रीय प्रबन्धक नरेश थापा, चिफ बिजनेश अफिसर गुणराज श्रेष्ठलगायत शाखा प्रमुख तथा अभिकर्ताहरुको उपस्थित रहेको थियो ।

कार्यक्रममा सहभागीहरुलाई सम्बोधन गर्दै सीईओ पाण्डेले बीमा ब्यवसायको विस्तार र विकासमा अभिकर्ताहरुको योगदान उच्च रहने र अभिकर्ताबिना कम्पनीले आफ्नो प्रगति सोच्न समेत नसकिने बताए । आगामी दिन अभिकर्ताहरुले थप मेहनत गर्नेमा आफू विश्वस्त रहेको बताए ।