शिकारीले हानेको गोली लागेर १७ वर्षीया किशोरीको मृत्यु

२१ जेठ, काठमाडौं । कालिकोटमा शिकारीले हानेको गोली लागेर एक १७ वर्षीया किशोरीको ज्यान गएको छ । नरहरिनाथ गाउँपालिका–नम्बर ५ रुप्साकी १७ वर्षीय किशोरी एसिला शाहीको मृत्यु भएको हो । 

यही जेठ १९ गते मकै बारीमा मकै गोडिरहेकी कक्षा १० छात्रा शाही टाउकोमा शिकारीले चलाएकाे गोली लागेर गम्भीर घाइते भएकी थिइन् । घाइते उनको प्रथामिक स्वास्थ्य चौकी कुमालगाउँमा उपचारपछि थप उपचारका लागि सुर्खेतको वीरेन्द्रनगरस्थित प्रदेश अस्पतालमा पुर्याइएकामा उपचारको क्रममा आज बिहान मृत्यु भएको हो । 

एक स्थानीयले शिकारलाई हानेको भरुवा बन्दुकको गोली एलिसाको टाउकोमा लागेको थियो । 
घटनाबारे अनुसन्धान भइरहेको प्रहरीको भनाइ छ । घटनामा कोही पनि पक्राउ परेका छैनन् ।