प्रधानमन्त्रीले ल्याएको भनेको १५ वटा राँगा मात्र होः ओली

 २२ जेठ, काठमाडौं । नेकपा एमालेका अध्यक्ष केपी शर्मा ओलीले प्रधानमन्त्री पुष्पकमल दाहाल प्रचण्डको भारत भ्रमणको उपलब्धी भनेको १५ वटा राँगा ल्याउनुमात्र भएको बताएका छन् । उनले राँगाबाहेक अरु प्रधानमन्त्रीलाई भारतले कही नदिएको बताएका छन् । 

सोमबार प्रतिनिधिसभामा समय लिएर बोल्दै प्रमुख प्रतिपक्षी दलका नेता ओलीले १५ वटा राँगा ल्याउनुबाहेक अरु कुनै उपलब्धी हासिल नभएको दाबी गरे । उनले साँच्चै ल्याएको चाहिँ १५ वटा राँगा मात्र भएको भन्दै अरु कुरा ल्याएको भए प्रधानमन्त्रीले प्रमाणित गर्नुपर्ने बताए । 

प्रधानमन्त्रीले भारतीय भूमिमा भूमि सट्टापट्टाको विषय उठाउनु गलत भएको ओलीले बताए । मोतीहारी अमलेखगञ्ज पाइपलाइन पहिले नै बनेकाले त्यसलाई चितवनसम्म विस्तार गर्नु ठूलो कुरा नभएको पनि ओलीले बताए । उनले अहिले भएको भनिएका सहमति पहिलनै भइसकेको बताए ।