भारतमा विद्युत निर्यातसम्बन्धी सम्झौताका लागि सांसद कार्कीले दिए धन्यवाद

२२ जेठ, काठमाडौं । नेपाली कांग्रेसका सांसद ज्ञानेन्द्र कार्कीले सरकारले भारतमा वार्षिक १० हजार मेगावाट निर्यात गर्ने गरी भएको सम्झौताका लागि प्रधानमन्त्री प्रचण्डलाई धन्यवाद दिएका छन् । 

सोमबार प्रतिनिधिसभाको बैठकमा सरकारका तर्फबाट अर्थमन्त्री डा. प्रकाशशरण महतले पेस गरेका आगामी आर्थिक वर्षको बजेटसम्बन्धी ‘आगामी आर्थिक वर्ष २०८०/८१ को अनुमानित राजश्व तथा व्ययसम्बन्धी प्रस्ताव’माथिको छलफलमा भाग लिँदै सांसद कार्कीले यस्तो बताएका छन् । 

हालै भएको प्रधानमन्त्रीको भारत भ्रमण नेपालमा उत्पादित विजुलीमध्ये वार्षिक १० हजार मेगावाट बिक्री गर्ने सम्झौता भएको भन्दै उनले धन्यवाद दिए । विद्युत निर्यातबाट मुलुकको व्यापार घाटा घटाउन सघाउन पुग्ने उनले विश्वास व्यक्त गरे । 

उनले सरकारले ल्याएको आर्थिक वर्ष २०८०÷८१ को बजेट जनता र देशको आवश्यकतालाई समेट्ने गरी आएको भन्दै सबै मिलेर कार्यान्वयनमा लैजानुपर्नेमा जोड दिए । भारतको चार दिने भ्रमणका क्रममा प्रधानमन्त्री प्रचण्ड र भारतका समकक्षी नरेन्द्र मोदीको समुपस्थितिमा आगामी १० वर्षभित्र भारतले नेपालबाट १० हजार मेगावाट बिजुली खरिद गर्ने भनी उर्जासचिव र भारत समकक्षीबीच विद्युय व्यापारसम्बन्धी सम्झौता भएको थियो