कोशी प्रदेश परिवर्तनबारे माओवादी केन्द्रले निर्णय लिँदै

२२ जेठ, काठमाडौं । कोशी प्रदेश सरकार परिवर्तनबारे माओवादी केन्द्रको कोशी प्रदेश संसदीय दलको बैठकमा बसिरहेको छ । माओवादी केन्द्र अहिले सरकारमा छ । 

संसदीय दलको बैठक आकस्मिक बसेको हो । बैठकले एमाले नेतृत्वमा रहेको प्रदेश सरकार छाड्ने निर्णय गर्ने सम्भावना छ । एक सिट रहेको जसपाले यसअघि नै सरकार छाडिसकेको छ । माओवादी केन्द्रले पनि सरकार छाडे एमालेका हिक्मत कार्की नेतृत्वको सरकार अल्पमतमा पर्नेछ । 

नयाँ सरकार गठनको प्रक्रिया सुरु हुनेछ । माओवादी केन्द्रसँग सभामुखसहित १३ सिट रहेको छ । प्रदेश सभामा बहुमत पुग्न ४७ मत आवश्यक पर्छ । नयाँ सरकार बन्ने प्रक्रिया सुरु भएको खण्डमा कांग्रेस र माओवादी केन्द्रबीच सरकारको आलोपालो हुनसक्ने ठानिएको छ ।