तराई क्षेत्रमा गत वर्षको तुलनामा तापक्रम ३ डिग्री बढी मापन

२३ जेठ, काठमाडौं । मुलुकको तराई क्षेत्रमा यस वर्षको तापक्रम गत वर्षभन्दा ३ डिग्री बढी मापन भएको छ । बारामा यो वर्ष अघिल्लो वर्षको तुलनामा ३ डिग्री बढी तापक्रम मापन भएको नागरिक उड्डयन कार्यालय सिमराका मौसम शाखाले जनाएको छ । 

यस वर्ष सिमरा आसपास अधिकतम तापक्रम ४२ डिग्री सेल्सियससम्म पुगेको शाखाले जनाएको छ । दक्षिणी भेगमा तापक्रम अझ बढी हुनसक्ने शाखाको दाबी छ । गत वर्ष यस क्षेत्रमा अधिकतम तापक्रम ३९ डिग्रीसम्म मात्र मापन भएको थियो । हावामा मोस्चर अर्थात पानीको मात्रा घट्दो रहेकाले तापक्रम अझ बढ्ने सम्भावना रहेको जनाइएको छ । 

चर्को गर्मीले तातो हावा बहनुका साथै लू लाग्ने क्रम बढेपछि तराईका जिल्ला झापा, सुनसरी, सप्तरी लगायतमा धेरै स्थानीय तहले विद्यालय बन्द गरेका छन् । सुख्खाका कारण किसानले धानको बीउ राख्न पाएका छैनन् । 
या वर्ष गत वर्षभन्दा मनसुन ढिला सुरु हुने र वर्षा कम हुने अनुमान जल तथा मौसम पूर्वाअनुमान महाशाखाको छ ।