शहीद स्मारक ए डिभिजन लिग च्याम्पियन बन्यो चर्च ब्वाइज

२३ जेठ, काठमाडौं । चर्चा ब्वाइज युनाइटेड  शहीद स्मारक ए डिभिजन लिग च्याम्पियन बनेको छ । लिगअन्तर्गत मंगलबार भएको खेलमा थ्री स्टारलाई गोलरहित बराबरीमा रोक्दै चर्च ब्वाइज एक खेल बाँकी हुँदै लिग च्यापिम्यन बनेको हो ।

लिगमा २५ खेल खेलेको चर्च ब्वाइजको यो बराबरीसँगै ४५ अंक रहेको छ । लिगको दोस्रो स्थानमा रहेका मछिन्द्र क्लबले अबका बाँकी दुवै खेल जिते पनि चर्च ब्वाइजलाई उछिन्ने छैन ।

दोस्रो स्थानमा रहेको मछिन्द्रको ३९ अंक छ र उसका दुई खेल बाँकी छन् ।