कृषि बीमाको भुक्तानीका लागि पहिलो चरणमा ७२ करोड रुपैयाँ उप्लब्ध गराइने

२४ जेठ, काठमाडौं । सरकारले कृषि बीमाको रकम भुक्तानी गर्न पहिलो खेपको रकम उप्लब्ध गराउने भएको छ । कृषि तथा पशुपंक्षी मन्त्रालयले कृषि बीमा तथा पशुबीमाको अनुदान बक्यौता पहिलो चरणमा ७२ करोड रुपैयाँ भुक्तानी दिने निर्णय भएको बीमक संघले जनाएको छ ।

सरकारले कृषि बीमाबापत बीमा कम्पनीहरुलाई कुल २ अर्ब ९४ करोड ५८ रुपैयाँ भुक्तानी दिन बाँकी छ । मन्त्रालयले मंसिर, पुस, माघ, फागुण महिना गरी ४ महिनाको बीमा वापतको रकम भुक्तानी गर्ने  भएको हो ।

सरकारले बीमाबापतका रकम उप्लब्ध नगराउँदा निर्जीवन बीमा कम्पनीहरुले यही जेठ ७ गतेबाट भुक्तानी रोकिराखेका छन् । वैकल्पिक नीति पनि नपाउँदा कम्पनीहरुले मन्त्रालयसँग ताकेता आइरहेका छन् । ताकेतापछि करिब ३ हप्तापछि बीमा रकम दिन सरकार तयार भएको हो ।