कक्षा ११ को भर्ना प्रक्रिया सुरु गरेका विद्यालयलाई महानगरले दियाे यस्ताे चेतावनी

२४ जेठ, काठमाडौं । काठमाडौं महानगरपालिकाले माध्यामिक शिक्षा परीक्षा (एसईई)को नतिजा नआएसम्म कक्षा ११ को भर्नासम्बन्धी कुनैपनि प्रक्रिया सुरु नगर्न महानगरभित्रका विद्यालयलाई पत्रचार गरेको छ । 

केही शैक्षिक संस्थाले कक्षा ११ मा भर्नाका लागि सूचना प्रकाशन गरेको भन्ने उजुरीका सम्बन्धमा आफ्नो ध्यानाकर्षण भएको भन्दै महानगरका शिक्षा अधिकारी सिताराम कोइरालाले बुधबार एक परिपत्र जारी गर्दै एसईईको नतिजा नआएसम्म कक्षा ११ को भर्नासम्बन्धी कुनै पनि पक्रिया नगर्न महानगरभित्रका सबै विद्यालयलाई परिपत्र गरेका हुन् । 

‘माध्यमिक शिक्षा परीक्षा (कक्षा १०) को नतिजा प्रकाशन नभएसम्म विद्यार्थी भर्ना सम्बन्धी कुनैपनि प्रक्रिया नगर्नुहुन सूचित गरिन्छ’ परिपत्रमा उल्लेख छ ।

गत चैतमा लिएको एसईई परीक्षाको नतिजा असारको पहिलो हप्तामा आउने ठानिएको छ । तर त्यस अगावै केएमसी, युनिग्लोब लगायतले ११ कक्षामा भर्ना प्रक्रिया सुरु गरेपछि महानगरले चेतावनीपूर्व परिपत्र गरेको हो ।

यस्तो छ परिपत्र: