प्रतिनिधिसभाको अर्को बैठक बिहीबार बिहान ११ बजे, अर्थमन्त्रीले जवाफ दिन १ दिन थप

२४ जेठ, काठमाडौं । प्रतिनिधिसभाको आजको बैठक सकिएको छ । अर्को बैठक भोलि बिहीबार बिहान ११ बजे बस्ने जानकारी सभामुख देवराज घिमिरेले जानकरी दिएका छन् । 

हिजो र आजको बैठकमा सरकारले जेठ १५ मा प्रस्तुत गरेको आगामी आर्थिक वर्ष २०८०/८१ को बजेटमाथि सांसदहरुले धारणा राखेका थिए । बिहीबारको बैठकमा पनि सो क्रम निरन्तर चल्ने सभामुख घिमिरेले जानकारी दिए ।

साथै अर्थमन्त्रीले बजेटमाथि उठेका प्रश्नको जवाफ दिने एक दिन थप गरी जेठ २५ र २६ गतेका लागि तोकिएको पनि उनले जानकारी दिए । यसअघि जवाफका लागि २५ गते एक दिन मात्र तोकिएको थियो ।