शुक्रराज अस्पतालको नर्सिङ क्वार्टरमा झुण्डिएको अवस्थामा पुरुष मृत फेला

२४ जेठ, काठमाडौं । काठमाडौंको टेकुस्थित शुक्रराज ट्रपिकल तथा सरुवा रोग अस्पतालको नर्सिङ क्वार्टरमा एक पुरुषको शव फेला परेको छ । प्रहरीका अन्ुसार नर्सका श्रीमान् मृत अवस्थामा फेला परेका हुन् ।

नर्स नर्वदा शर्माका श्रीमान् दधिराम भण्डारी झुण्डिएको अवस्थामा फेला परेको जिल्ला प्रहरी परिसर, काठमाडौंका एसपी सीताराम रिजालले बताए । भण्डारी सरस्वती कलेजमा कार्यरत कर्मचारी हुन् ।

श्रीमतीलाई उनले नै अस्पताल पुर्‍याइदिने र पहिले त्यहीँको क्वार्टरमा पनि बसेको पाइएकाे प्रहरीले जनाएको छ । उनी पछिल्लो समय भने बाहिर डेरा गरी बस्दै आएका थिए ।

घटनास्थलम सुसाइड नोट वा लिखित फेला नपारेको प्रहरी वृत्त कालीमाटीले जनाएको छ । शवलाई पोष्टमार्टमका लागि त्रिवि शिक्षण अस्पताल महाराजगञ्ज पठाइएको छ ।