बाँकेमा शिक्षकको शंकास्पद मृत्यु

दीपक शर्मा 

२५ जेठ, बाँके । बाँकेका एक शिक्षकको शंकास्पद मृत्यु भएको छ । आर्दश मावि नेपालगञ्ज राँझामा शिक्षक पेशाको रुपमा कार्यरत रहेका नेपालगञ्ज उपमहानगरपालिका १८ का ४३ वर्षिय रविन्द रेग्मीको शव आधा जलेको अवस्थामा जंगलमा शव फेला परेको छ । 

जिल्ला प्रहरी कार्यालय बाँकेका प्रहरी प्रमुख सन्तोषसिंह राठौरले नेपालबहसलाई बताए अनुसार सोमबार दिउसो २ वजेर ३० मिनेट तिर घरबाट बैठकमा जान्छु भन्दै निस्किएका रेग्मीको शव मंगलबार बिहान राप्ती सोनारी गाँउपालिकाको पुर्व पश्चिम राजमार्ग अन्तर्गत ढिकेरीको जंगलमा जलेको अवस्थामा शव फेला परेको थियो घटनाको विषयमा अनुसन्धान भैरहेको र कुकुर समेत परिचालन गरीएको बताए । 

भे ६ प ८२२४ नम्वरको मोटरसाइकल लिएर बैठकमा जान्छु भनेका रेग्मीको सो मोटरसाइकल राजमार्गमा भेटिएको थियो मोटरसाइकल नजिकै उनको शव पनि फेला परेको हो । ४३ वर्षिय रेग्मी विद्यालयमा विद्यार्थी र आफना स्टाफका निकै मिल्ने र हसीलो स्वभावको रहेको  आर्दश माविका विद्यालयका प्रधान्यायापक प्रकाश आचार्यले बताए ।