सांसद गम्भीर नबन्ने र खराब विषयले प्राथमिकता पाउने हो भने यो संसदबाट गोबर मात्रै उत्पादन हुन्छः लामिछाने
नेपालबहस संवाददाता
जेठ २५, २०८० बिहिबार १३:५०:५
२५ जेठ, काठमाडौं । राष्ट्रिय स्वतन्त्र पार्टीका सभापति र सांसद रवि लामिछानेले सार्वभौम संसद गलत दिशा र विषयतर्फ केन्द्रित हुदै गएको भन्दै यसको गरिमा बढाउन सांसदहरु गम्भीर बन्न आवश्यक रहेको बताएका छन् । उनले सांसदले प्रयोग गर्ने भाषाका कारण संसद अमर्यादित बन्दै गएको बताएका छन् ।
संसदीय मर्यादामा आँच आउने गरी भएको बहसका लागि उनले माफी पनि मागेका छन् । प्रतिनिधिसभाको बिहीबारको बैठकमा आगामी आर्थिक वर्षको बजेटमाथि छलफलमा सहभागी हुने क्रममा लामिछानेले संसदीय मर्यादाको ख्याल गर्न नगर्दा संसदको गरिमामा प्रश्न उठेको र अनुत्पादक विषयले प्राथमिकता पाउँदा संसद अनुत्पादक बनिरहेको बताए ।
प्रतिनिधिसभाको जेठ २२ को बैठकमा प्रधानमन्त्री पुष्पकमल दाहाललाई भारत भ्रमणको विषयमा प्रश्न सोध्ने क्रममा रास्वपाका सांसद शिशिर खनालले संसदीय मर्यादाविपरीतको शब्द बोलेका थिए । उनले प्रधानमन्त्री भारतबाट प्लेन चढेर पोखरा विमानस्थलमा अवतरण नगरी ’प्रधानमन्त्री भैँसी चढेर पो आउनु भो’ भन्ने बोलेका थिए । उक्त शब्दलाई सभामुख देवराज घिमिरेले संसदको रेकर्डबाट हटाउन लगाएका थिए ।
सोही कुरातर्फ इंगित गर्दै सभापति लामिछानेले आफ्नो पार्टीको तर्फबाट भएका त्यस्ता अभिव्यक्तिका लागि माफी मागेका हुन् । उनले सांसदहरु संसदको मर्यादा राख्न चुकिरहेका भन्दै हाम्रा वा अरु पक्षबाट आएका यस्ता विषयले संसदलाई उत्पादनमुखी बनाउन नसक्ने बताए । उनले यो सदनलाई भैँसी र राँगा जस्तै विषयमा गफ गर्ने थलो बनाउने हो भने आगामी पाँच वर्ष यो संसदबाट गोबरबाहेक केही पनि प्राप्त गर्न नसकिने बताए ।
लामिछानेले बजेट र राष्ट्रका महत्वपूर्ण विषयमा कुरा गरिरहँदा, आम सर्वसाधारणमा संसद्बाट राम्रो सन्देश नगएको बताए । राँगा र भैँसीका बहस संसदमा गर्ने हो भने नागरिकमा निराशा छाउने लामिछानेको भनाइ थियो । त्यसरी नै बहस गरिरहने हो भने पाँच वर्षपछि जनतामा मुख देखाउन नसकिने उनले बताए ।
लामिछानेले नागरिकता विधेयक प्रमाणीकरणको प्रक्रियामा असन्तुष्टि जनाएका छन् । उनले राष्ट्रपति रामचन्द्र पौडेलले नागरिकता विधेयक प्रमाणीकरण गर्दा गलत प्रक्रिया अपनाएको बताए । रास्वपा जन्मसिद्ध नागरिकका सन्तानले र एकल आमाका सन्तानले नागरिकता पाउनुपर्छ भन्नेमा दृढ रहेको उनको भनाइ छ ।
वैवाहिक अंगीकृतको विषयमा विभेद गरिएको पनि लामिछानेको भनाइ थियो । नागरिकता विधेयकको प्रक्रियाको विरोध गर्दा आफ्नो पुत्ला जलाइएको भन्दै उनले आपत्ति जनाएका छन् । नागरिकता विधेयकका सम्बन्धमा राष्ट्रिय स्वतन्त्र पार्टी कुनै समुदायविरुद्ध छ भन्ने भाष्य जबर्जस्ती निर्माण गरेर निमुखा नागरिकलाई गुमराहमा राख्न खोजिएको उनले आरोप लगाए ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपबागमती प्रदेशसभाका चारवटा समिति सभापतिमा मनोनयन दर्ता
जेठ ४, २०८१ शुक्रबार
पार्टी छोडेर गएका नेता कार्यकर्तालाई फर्किन उपेन्द्र यादवको आव्हान
जेठ ४, २०८१ शुक्रबार
प्रधानमन्त्री प्रचण्ड र कांग्रेसका नेताहरूबीचको बैठक स्थगित
जेठ ४, २०८१ शुक्रबार
अवनतिको बाटो फेर्न लागेको राजनीति र सुरक्षा चासो
सुबोधकुमार अधिकारी
जेठ ४, २०८१ शुक्रबार
विद्यार्थी मृत फेला परेपछि आक्रोशित भिडद्वारा स्कुलमा आगलागी
नेपालबहस संवाददाता
जेठ ४, २०८१ शुक्रबार
अवनतिको बाटो फेर्न लागेको राजनीति र सुरक्षा चासो
जेठ ४, २०८१ शुक्रबार
विद्यार्थी मृत फेला परेपछि आक्रोशित भिडद्वारा स्कुलमा आगलागी
जेठ ४, २०८१ शुक्रबार
सुनको मूल्यमा गिरावट, तोलाको कति ?
जेठ ४, २०८१ शुक्रबार
ताप्लेजुङमा टपरी गाँस्ने प्रतियोगिता
जेठ ४, २०८१ शुक्रबार
काठमाडौँमा ‘न्यूयोर्क राइटर्स वर्कसप’ र ‘हिमालयन लिटरेचर फेस्टिभल’ हुँदै
जेठ ४, २०८१ शुक्रबार
गोरखामा पौडी खेल्ने क्रममा डुबेर दुईजनाको मुत्यु
जेठ ४, २०८१ शुक्रबार
बागमती प्रदेशसभाका चारवटा समिति सभापतिमा मनोनयन दर्ता
जेठ ४, २०८१ शुक्रबार
‘विद्युतीय सवारीसाधनको प्रयोग बढाउन आवश्यक’
जेठ ४, २०८१ शुक्रबार
लागुऔषधको कुलतबाट विद्यार्थी जोगाउन अभियान
जेठ ४, २०८१ शुक्रबार