दुर्घटनाग्रस्त अर्थतन्त्रलाई यहाँसम्म ल्याए, चलायमान बनाउन निजी क्षेत्रको साथ चाहिन्छः प्रधानमन्त्री
नेपालबहस संवाददाता
जेठ २५, २०८० बिहिबार १६:५९:४६
२५ जेठ, काठमाडौं । प्रधानमन्त्री पुष्पकमल दाहाल प्रचण्डले नेपालको अर्थतन्त्र दुर्घटनाग्रस्त अवस्थाबाट सुधारको दिशामा आएको भन्दै यसलाई चलायमान बनाउन आफूलाई निजी क्षेत्रको साथ चाहिएको बताएका छन् । उनले दुर्घटनाको डिलमा रहेको अर्थतन्त्रलाई आफूले सुधार गरेर अहिलेको अवस्थामा ल्याएको दाबी पनि गरेका छन् ।
बिहीबार आईएमई समूहको लगानी र प्रवर्द्धनमा बुटवलमा सञ्चालनमा आएको लुम्बिनी केबुलकारको उद्घाटन गर्दै प्रधानमन्त्री प्रचण्डले निकै कठिन मोडमा पुगेको अर्थतन्त्र अब सुधारिएको अवस्थामा आएकाले निजी क्षेत्रको सहयोग आवश्यक रहेको बताए । म प्रधानमन्त्री हुँदा देशको अर्थतन्त्र निकै संकटपूर्ण स्थितिमा रहेको निजी क्षेत्रको सहयोग र सरकारको अधिकतम प्रयासले अहिले केही सुधार देखिएको उनले बताए ।
देशको अर्थतन्त्रलाई चलायमान गराउने गतिविधिका हरेक योजनामा सरकार निजी क्षेत्रसँग सहकार्य गरेर अघि बढ्न तयार रहेको उनले बताए । प्रचण्डले केबुलकारले लुम्बिनी आउने भारतीय पर्यटकलाई यस क्षेत्रमा बास बस्न र पर्यटन प्रवर्द्धन गर्न सहयोग पुग्ने आशा व्यक्त गरे । लुम्बिनी केबुलकारले भारतसँगको सम्बन्धलाई पनि अझै उचाइमा पुर्याउने उनको दाबी छ ।
भारतको उत्तर प्रदेशका पूर्वमुख्यमन्त्री जगदम्बिका पालले नेपाल र भारतको सम्बन्ध संस्कृति र धार्मिकतासँग जोडिएको बताए । उनले लुम्बिनी आउने उत्तर प्रदेशका जनतालाई बुटवलको केबलकारले आकर्षित गर्ने बताए । दुवै देशको सम्बन्ध जनस्तरको हुनुपर्ने उनको सुझाव थियो । प्रधानमन्त्री प्रचण्डले पनि भारत भ्रमणले नेपाल र भारतको सम्बन्ध जनस्तरमा लैजानका लागि सहयोग भएको बताएका थिए ।
लुम्बिनी केबलकार प्रालिका अध्यक्ष चन्द्रप्रसाद ढकालले लुम्बिनी केबलकार सञ्चालनले वसन्तपुरमा नयाँ धार्मिक र पर्यटकीय गन्तव्य थपिएको बताए । उद्घाटन कार्यक्रममा रूपन्देहीको निर्वाचन क्षेत्र नं. २ का प्रतिनिधिसभा सदस्य विष्णु पौडेलले लुम्बिनी केबुलकार र भैरहवाको अन्तराष्ट्रिय विमानस्थल सञ्चालनले बुटवल र सिंगो लुम्बिनी प्रदेशको धार्मिक पर्यटन र आर्थिक अवस्थामा परिवर्तन ल्याउने बताए ।
केबलकारको बटम स्टेसन समुद्री सतहबाट २ सय ३० र बटम स्टेसन ९ सय ४० मिटरको उचाइमा रहेको छ । बुटवल उपमहानगरपालिका ३, गोलपार्कस्थित बमघाटदेखि पाल्पाको तिनाउ गाउँपालिका ३ वसन्तपुर डाँडोलाई जोड्ने गरी निर्माण भएको केबुलकारमा निजी क्षेत्रको साढे ३ अर्ब लगानी छ । साढे दुई किलोमिटर दुरी रहेको लुम्बिनी केबुलकार लुम्बिनी प्रदेशकै पहिलो केबुलकार हो ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपकञ्चनजङ्घा क्षेत्रमा पर्यटक बढेसँगै व्यवसायी उत्साहित
जेठ १७, २०८१ बिहिबार
धार्मिक पर्यटन प्रवर्द्धनका लागि सम्भावना खोज्दै जैमिनी
जेठ १६, २०८१ बुधबार
अग्ला हिमालको सुरक्षा चुनौति बनिरहेको छः प्रधानमन्त्री
जेठ १६, २०८१ बुधबार
सशस्त्रमा आईजीपी अर्याल विरुद्ध मोर्चाबन्दी !
नेपालबहस संवाददाता
जेठ १६, २०८१ बुधबार
के हो गृहमन्त्री लामिछानेको महिनावारी फण्डा ?
नेपालबहस संवाददाता
जेठ १५, २०८१ मंगलबार
झापामा हुरीबतासले करोडौँको क्षति, विद्युत् आपूर्ति बन्द
नेपालबहस संवाददाता
जेठ १६, २०८१ बुधबार
हाजिरी जमानीमा छुटे कैलाश सिरोहिया
जेठ १६, २०८१ बुधबार
विकल पौडेललाई थुनामा पठाउने अदालतको आदेश
जेठ १६, २०८१ बुधबार
गृहमन्त्रीलाई समितिको पत्र, सडकमा ट्राफिक स्वयंसेवक खटाएको बारे जवाफ दिन आउनु
जेठ १७, २०८१ बिहिबार
सन्दीप लामिछानेलाई अमेरिकाले फेरि पनि दिएन भिसा
जेठ १७, २०८१ बिहिबार
राष्ट्रसंघका विज्ञद्वारा इजरायलविरुद्ध प्रतिबन्धित हतियारमा प्रतिबन्ध लगाउन आह्वान
जेठ १७, २०८१ बिहिबार
उत्तर कोरियाद्वारा जापानी समुद्र क्षेत्रमा क्षेप्यास्त्र प्रहार
जेठ १७, २०८१ बिहिबार
गाजा युद्ध थप सात महिना जारी रहने इजरायलको चेतावनी
जेठ १७, २०८१ बिहिबार
महालेखालाई तत्काल बेरुजु फर्स्यौट गर्ने रणनीतिक योजना पेस गर्न लेखा समितिको निर्देशन
जेठ १७, २०८१ बिहिबार