यु–२० महिला एसियन कपमा नेपाल चीनसँग फराकिलाे गाेलअन्तरले पराजित

२५ जेठ, काठमाडौं । एएफसी यु-२० महिला एसियन कप फुटबलको दोस्रो चरणको छनोट प्रतियोगितामा नेपाली टोली चिनीयाँ टोलीसँग पराजित भएको छ ।

म्यानमारमा  बिहीबार भएको खेलमा नेपाल चीनसँग ५-० गोलले पराजित भएको हो । याङ्गोनमा भएको खेलमा नेपालले पहिलो हाफमा चार र दोस्रो हाफमा एक गोल खाएको थियो ।

दोस्रो चरणको छनोटमा नेपालले भोगेको यो दोस्रो पराजय हो । यसअघि आफ्नो पहिलो खेलमा पनि नेपाली टोलीलाई आयोजक म्यानमारले ५-० गोलले हराएको थियो । 

नेपालले बुधबार भएको आफ्नो पहिलो खेलमा आयोजक प्यालेस्टाईनमाथि ६-० को फराकिलो जित निकालेकाे थियाे । 

छनोट प्रतियोगितामा अब नेपालले अन्तिम खेल शनिबार चाइनिज ताइपेसँग खेल्नेछ । प्यालेस्टाइनमा भएको पहिलो चरणको छनोटबाट नेपाल दोस्रो चरणमा पुगेको हो ।