गण्डकी प्रदेशको नीति तथा कार्यक्रम पारित, कार्यान्वयन हुनेका सांसदहरूकाे आशंका

२५ जेठ, पोखरा । गण्डकी प्रदेशसभाले प्रदेश सरकारले ल्याएको आगामी वर्षको वार्षिक नीति तथा कार्यक्रम पारित गरेको छ । 

जेठ २१ मा सरकारका तर्फबाट प्रदेश प्रमुख पृथ्वीमान गुरुङले संसदमा पेश गरेको नीति तथा कार्यक्रममाथि ३ दिनसम्म छलफल गरी बिहीबार संसदबाट पारित भएको हो ।

तनहुँ, नवलपुर, लुमजुङ र म्याग्दी र मुस्ताङका विभिन्न ठाउँमा सुरुङ मार्गको सम्भाव्यता अध्ययन गर्ने, गाँजा खेतीको सम्भाव्यता अध्ययन गर्नेदेखि स्थानीय मदिराको ब्रान्डिङ गर्नेसम्मका महत्वकांक्षी र लोकप्रिय कार्यक्रम नीति तथा कार्यक्रममा समेटिएका छन् । तर छलफलका क्रममा सांसदहरुले कार्यान्वयन हुनेमा सांसदले शंका व्यक्त गरेका छन् । होम स्टेसम्बन्धी कार्यक्रमको स्वागत गरेका छन् ।

प्रतिपक्षी दल एमालेले नीति प्रदेश सरकारको नीति तथा कार्यक्रम हावादारी रहेको र कार्यान्वयन हुँदासम्म आफू सरकारमा पुग्ने बताएको छ । एमालेले सुरुङ मार्ग निर्माणलाई कार्यक्रममा समेटिनु सकारात्मक रहेको जनाएको छ ।