आजबाट रिपब्लिक मिडियाको आईपीओ बिक्री खुला

२६ जेठ, काठमाडौं । नेपाल रिपब्लिक मिडियाको आज जेठ २६ गतेदेखि सर्वसाधारणलाई आईपीओ बिक्री खुला भएको छ । कम्पनीले आफ्नो जारी पुँजी ९६ करोड ७५ लाख रुपैयाँको ४३ करोड ५३ लाख रुपैयाँको आईपीओ बिक्रीमा ल्याएको हो ।

यस कम्पनीले प्रतिकित्ता १०० रुपैयाँ अंकित मूल्यमा ४३ लाख ५३ हजार कित्ता शेयर निष्कासन गरेको हो । योमध्ये ४५ ले हुन आउने १ लाख ७४ हजार १२० कित्ता शेयर कर्मचारीहरुका लागि छुट्याइएको छ । यसैगरी, ५५ ले हुन आउने २ लाख १७ हजार ६५० कित्ता शेयर सामूहिक लगानी कोषका लागि व्यवस्था गरिएको छ ।

त्यसैगरी, कम्पनीले वैदेशिक रोजगारीमा रहेका नेपालीहरुका लागि ४ लाख ३५ हजार ३ सय कित्ता सेयर बिक्री गरिसकेको छ । बाँकी ३५ लाख २५ हजार ९३० कित्ताको लागि सर्वसाधारणले आवेदन दिन सक्नेछन् । लगानीकर्ताले यस आईपीओमा न्यूनतम १० कित्तादेखि अधिकतम ५ सय कित्तासम्म आवेदन दिन सक्नेछन् ।

सर्वसाधारणले यसमा जेठ ३० गतेसम्म आवेदन दिन पाउने छन् । उक्त समयसम्ममा सबै शेयर बिक्री नभएमा भने असार ८ गतेसम्म आईपीओ खुला रहनेछ । लगानीकर्ताले सी–आस्वा प्रणालीमार्फत आवेदन दिन सक्नेछन् । बिक्री प्रबन्धक मेगा क्यापिटल रहेको छ । यो नेपालको आईपीओ जारी गर्ने पहिलो मिडिया कम्पनी हो ।

रेटिङ एजेन्सी इन्फोमेरिक्स नेपालले नेपाल रिपब्लिक मिडियालाई ‘आइआरएन बी प्लास’ रेटिङ प्रदान गरेको छ । यसले वित्तीय दायित्व बहन गर्ने क्षमतामा उच्च जोखिम रहेको संकेत गर्छ । २०७९ असोज ३० गते उक्त रेटिङ दिएको थियो । यो रेटिङ २०८० असोज २५ गतेसम्म बाहल रहनेछ ।