नो भोटको व्यवस्था गर्न संसदमा विधेयक पठाउने आयोगको तयारी, शीर्ष नेता नै अनिच्छुक

२८ जेठ, काठमाडौं । आम निर्वाचनमा मतदाताले कुनै पनि उम्मेदवारलाई मत दिन्न भनेर मतदान गर्न पाउने 'नो भोट'को व्यवस्था गर्न प्रमुख दलका शीर्ष नेताहरू अनिच्छु देखिएका छन् । दलप्रति व्यापक वितृष्णा बढेको अवस्थामा 'नो भोट'को व्यवस्थाले पार्टी नै संकटमा पर्ने उनीहरूको बुझाइ छ । निर्वाचन आयोगले यससम्बन्धि विधेयक संसदमा पठाउने तयारी गरेको छ ।   

नेपालमा 'नो भोट'को व्यवस्था गर्नुपर्ने माग विगत देखि नै उठिरहेको छ । तर, नेपालमा अहिलेसम्म 'नो भोट'को व्यवस्था गरिएको छैन । अब आउने निर्वाचनमा भने निर्वाचन आयोगले नयाँ निर्वाचन कानुनमा नो भोटको व्यवस्था राख्न प्रस्ताव गरेको छ । आयोगले निर्वाचन व्यवस्थापन सम्बन्धी तर्जुमा गर्न तयार गरेको विधेयकको मस्यौदामा नो भोटको व्यवस्था समावेश छ । 

आयोगले शुक्रबार राजनीतिक दलहरूसँगको छलफलमा नयाँ कानुनमा नो भोटको व्यवस्था गर्न लागिएको बारे परामर्श गरेको थियो । त्यस क्रममा आयोगले निर्वाचनमा कुनै पनि उम्मेदवारप्रति समर्थन छैन भनेर मत जाहेर गर्न पाउने प्रावधान समावेश गरिएको जनाएको छ । सो मस्यौदा संसदमा पेश गर्न लागेको भन्दै आयोगले त्यसमा कुनै पनि उम्मेदवारप्रति समर्थन छैन भनेर मत जाहेर गर्न पाउने प्रावधान समेत समेटेको छ ।

त्यस्तै मस्यौदामा विदेशमा रहेका नेपाली नागरिकको मताधिकारको व्यवस्था मिलाउनेबारे समेत समावेश गरिएको आयोगले जनाएको छ । मस्यौदा समितिले राजनीतिक दल तथा सम्बन्धित सरोकारवाला, विज्ञहरुको राय सुझाव र विगतका निर्वाचनमा खटिएका निर्वाचन पर्यवेक्षक, अवलोकनकर्ता तथा अनुगमनकर्ताबाट प्राप्त सुझाव, सिफारिस र पृष्ठपोषणसमेतलाई ध्यानमा राखेर मस्यौदा गरेको आयोगले जनाएको छ ।

आयोगले गर्न लागेको व्यवस्था प्रति दलहरूले प्रतिक्रिया नदिएपनि  प्रमुख दलका शीर्ष नेता यसको पक्षमा नभएको बताइएको छ । आयोगले यसबारे दलको धारणा मागेपनि अहिलेसम्म कुनै पनि दलका नेताले यसै हो भनेर जवाफ दिएका छैनन् । नो भोटको व्यवस्था भए यसबाट दलहरुलाई निकै ठूलो चुनौती आउन एक नेताले नेपालबहसलाई बताए । 

उनले अहिले आयोगले संसदमा नो भेटको प्रस्ताव लगेपनि पारित हुन भने मुस्किल छ । नो भोटको व्यवस्था गर्दा शीर्ष भनिएका नेताहरुकै विपक्षमा मत पर्ने सम्भावना धेरै छ । यसको व्यवस्था गर्दा दलले दिएको उम्मेदवार कति जनतामा भिजेको छ भन्ने प्रति कुरा थाहा हुने र यसले एक खालको उम्मेदवार छनोटमा सहि मान्छे छानिन सक्ने भएपनि अहिले नै नो भोटको अवस्था लागु हुन नसक्ने उनले बताए