प्रहरीकाे संख्या कटौती गरेर साधारण खर्च घटाउन सकिन्छ : महेन्द्र शाही

२८ जेठ, काठमाडौं । आइतबारको प्रतिनिधिसभाको बैठकमा सरकारको साधारण खर्च कटौतीका लागि नेपाल प्रहरीकोा संख्या कटौती गर्नुपर्ने आवाज उठेको छ ।

सरकारको नेतृत्व गरिरहेको नेकपा (माओवादी केन्द्र)का महेन्द्रबहादुर शाहीले सरकारले आगामी आवमा साधारण खर्च कटौतीका लागि लिएको लक्ष्यमा प्रहरीको संख्या कटौती गर्ने नीति लिनु उपयुक्त हुने बताए । 

बैठकमा बोल्दै पूवृमन्त्री समेत रहेका शाहीले सरकारको आगामी आवको नीति तथा कार्यक्रम र बजेट दुईतिर फर्र्किएको अवस्थाका रहेको बताए । ‘सरकारको नीति तथा कार्यक्रम एकातिर, बजेट अर्कोतिर भएको छ’ उनले भने, ‘गरिबलाई बिजुलीमा सहुलियत दिने, कैलालीको गेटा कलेजलाई शहीद दशरथ चन्द विश्वविद्यालय बनाउने भनएिको छ तर बजेटमा उल्लेख नै छैन । यो के तरिका हो ?’ 

यस्तै शाहीले बजेटलाई मन्त्री, प्रधानमन्त्री र पहुँच भएका नेताहरुको भागमा पारिएको भन्दै विरोध गरे । उनले अर्बपति सांसदहरुलाई ५ करोड रुपैयाँका बनाइएको भन्दै आपत्ति जनाए । सरकारले बजेटमा प्रत्यक्ष निर्वाचित सांसदलाई आफ्नो निर्वाचन क्षेत्रमा विकास खर्च गर्न पाउने गरी जनही ५ करोड बजेट छुटाइएको भनिएका उनले अर्ब सम्पत्ति भएका सांसदलाई ५ करोड दिने भनेर अपमान गरिएको बताए ।

बजेटमा कर्णाली क्षेत्रको विकासका लागि राखिएको विशेष कार्यक्रमबारे उनले प्रश्न उठाएका छन् । ‘बजेट जति अर्थमन्त्रीको जिल्लामा केन्द्रित गर्ने, अनि कर्णालीलाई विशेष कार्यक्रम भन्या, विशेष कार्यक्रम भनेको के हो ?’
उनले अर्थमन्त्रीको जवाफ आएपछि बजेटको हकमा निर्णयमा पुगिने बताए ।