लुटेरा समूहको आक्रमणबाट ठेला व्यवसायीको ज्यान गयो

२८ जेठ, बुटवल । बुटवल उपमहानगरपालिका–११ देवीनगरमा लुटेरा समूहको कुटपिटबाट एक पुरुषको ज्यान गएको छ ।

ठेला व्यवसाय गर्दै आएका ३५ वर्षीय एक पुरुषलाई लुटपाटका क्रममा तिनाउ नदीको बगरछेउमा लुटेराको समूहले कुटपिट गर्दा उनको ज्यान गएको पाइएको इलाका प्रहरी कार्यालय बुटवलले जनाएको छ ।

हत्यामा संलग्न भएको आरोपमा एक नाबालक र ३१ वर्षीय गणेश थापालाई पक्राउ गरेको प्रहरीले जनाएको छ । उनीहरुमाथि आवश्यक अनुसन्धान भइरहेको जनाएको छ । समूहले थापालाई ढुंगाले टाउकोमा हिर्काएर घाइते हत्या गरेको प्रारम्भिक अनुसन्धानमा खुलेको छ । 

मृत अवस्थामा आइतबार बिहान फेला परेका मृतक थापाको टाउको र संवेदनशील अंगहरुमा गहिरो चोट देखिएको छ ।