२८ अर्ब ५० करोड आन्तरिक ऋण उठाइने

२९ जेठ, काठमाडौं । सरकारले सोमबार साढे २८ अर्ब ५० करोड रुपैयाँ बराबरको आन्तरिक ऋण उठाउने भएको छ । राष्ट्र बैंकले नयाँ ऋण उठाउन र पुरानो नवीकरण गरिदिन लागेको हो । जस मध्ये २५ अर्ब रुपैयाँ नवीकरण गरिनेछ । 

राष्ट्र बैंकले ९१ दिने ट्रेजरी बिलमार्फत नयाँ साढे तीन अर्ब रुपैयाँ आन्तरिक ऋण उठाउने छ । ९१ दिने ५ अर्ब रुपैयाँ बराबरको ट्रेजरी बिल नवीकरण हुने बताइएको छ । यसबाहेक २८ दिने ५ अर्ब, १८२ दिने चार अर्ब र ३६४ दिने ११ अर्ब रुपैयाँको ट्रेजरी बिल नविकरण गरिदैछ ।  

पछिल्लो समय आन्तरिक ऋणको ब्याज दर घटिरहेको छ । पछिल्लो पटक जारी ट्रेजरी बिलको २८ दिनेको ७.३५ प्रतिशत, ९१ दिनेको ८.८६ प्रतिशत, १८२ दिनेको ८.७१ प्रतिशत र ३६४ दिनेको ८.३३ प्रतिशत ब्याज कायम भएको थियो ।